Цистон 100 мл, сироп

Сипаттама

Дәрілік препаратты қолдану

жөніндегі нұсқаулық

ЦИСТОН

Саудалық атауы

Цистон

Халықаралық патенттелмеген атауы

Жоқ

Дәрілік түрі

Шәрбат

Құрамы

5 мл шәрбаттың құрамында:

белсенді заттар:

Жатаған теміртікен жемістері экстрактісі 91 мг

Шашыраңқы бурхавия тамырлары экстрактісі 67мг

Тілдік тасжарған тамырлары экстрактісі 53 мг

Жер бадам түйнектері экстрактісі 42 мг

Шашақгүлді қасқыржем тамырлары экстрактісі 21 мг

Отты ат бұршақ дәндері экстрактісі 21мг

Ветивер тамырлары экстрактісі21 мг

Куркума зедоария тамырсабағы экстрактісі14мг

Трикату тамырсабақтары мен жемістері экстрактісі 20 мг

Калий нитраты 42.5мг

Аммоний хлориді2.5мг

Калийкарбонаты5мг

Натрий хлориді50 мг

қосымша заттар: қант S30, сорбитол 70%,

Sun 528 хош иістендіргіші, лимон қышқылы, натрий цитраты, натрийметилпарагидроксибензоаты, натрий пропилпарагидроксибензоаты, натрий бензоаты, тазартылған су QS

Сипаттамасы

Қоңыр түсті, дәмі тәтті, өзіне тән иісі бар шәрбат тәрізді сұйықтық.

Фармакотерапиялық тобы

Урогенитальді ағзалар ауруларын емдеуге арналған препараттар және жыныс гормондары. Урологиялық ауруларды емдеуге арналған препараттар. Урологиялық ауруларды емдеуге арналғанбасқа препараттар, спазмолитиктерді қоса.

АТХ коды G04B

Фармакологиялық қасиеттері

Фармакокинетикасы

Препараттың белсенділігін қандай-да бір қосылыстың есебіне жатқызуға болмайтындықтан, кинетикалық бақылау жүргізу мүмкін емес, маркерлердің немесе биозерттеулердің көмегімен барлық компоненттері бірге қадағалануы мүмкін емес.

Фармакодинамикасы

Біріктірілген, көп компонентті өсімдік препараты.

Біріктірілген өсімдік препараты Цистон ішектің литогендік заттармен шамадан тыс қанығуына кедергі жасайды, ішектен оксамидтердің (тастың түзілуін жылдамдататын заттар) сіңуін азайтады және кристаллоидтық-коллоидтық тепе-теңдікті қалпына келтіреді.

Цистон құрамына кіретін жатаған теміртікен мен отты атбұршақнесепте тас түзілуін туғызатын химиялық заттардың қор жинауын, жинақталуы мен суперсатурациясының алдын алады.

Тілдік тасжарғанның кристалл-коллоид теңгерімсіздігін түзетуінің нәтижесінде, тастар бөлшектерін байланыстыратын муцин ериді, бұл қор жиналуының алдын алады және калькулогенезді бәсеңдетеді: литиазға қарсы және литотрипсиялық белсенділігі байқалады.

Қасқыржем мен Ветивера, аммоний хлориді мен натрий хлориді несеп жүйесіне әсер етеді және несеп шығару кезіндегі шымылдатып ашытуды басады, несептегі рН теңгерімін қалыпқа түсіреді. Сондай-ақ, ол күшті антиоксиданттық дәрі болып табылады және несеп жолдарындағы радикалдардың зақымдануының алдын алады.

Шашыраңқы бурхавия – одан алынатын аминқышқылдар қосылыстары аспарагин және глутамин қышқылдарымен қатар, бүйректегі кальций-оксалаттық тастарды ерітуі ықтимал агенттер болып табылады.

Өзінің диурездік қасиеттерінің арқасында, шағын несеп тастарын шайып шығарады. Шашыраңқы бурхавия қабынуға қарсы белсенділікке ие, бұл несеп шығару жолдарының шырышты қабықтарының қабыну өзгерістерін бәсеңдетуге ықпал етеді, ол әдетте, НЖИ кезінде байқалады.

Куркума зедоария қуықтың қайталанатын инфекцияларына жауапты жалпы патогендерге қатысты микробқа қарсы белсенділікке иеленген.

Жер бадамы қабынуға қарсы және ауыруды басатын белсенділікке ие, оның әсері гидрокортизонмен және оксифенилбутазонмен салыстырымды.

Калий карбонаты мен калий нитраты несеп айдайтын және түйілуді басатын әсерге ие, сол арқылы, дизурияның жеңіл өтуін қамтамасыз етеді.

Трикату – тең мөлшерде алынғанқара бұрыштың, ұзын бұрыштың құрғақ жемісінен, дәрілік зімбірдің кептірілген тамырсабағынан тұратын аюрведалық препарат, ол дәрілік заттардың биологиялық сіңірілгіштігін арттыру үшін кеңінен пайдаланылады.

Қолданылуы

- дисметаболизмдік нефропатияда, кристаллурияда

- несептас ауруында (уролитиазда)

- тастар түзілуі қайталануының профилактикасы үшін

- несеп шығару жолы инфекцияларының кешенді емінде

(циститте, пиелонефритте, уретритте)

Қолдану тәсілі және дозалары

Дисметаболизмдік нефропатияда

ересектерге күніне 3 рет, тамақтан кейін 2 шай қасықтан, емдеу курсы 3 ай.

Несептас ауруында (уролитиазда)

ересектерге -4-6 ай бойы күніне 3 рет, тамақтан кейін 2 шай қасықтан.

Несеп шығару жолдары инфекцияларының кешенді емінде (цистит, пиелонефритте, уретритте)

ересектерге – 1 ай бойы күніне 3-4 рет 2 шай қасықтан.

Бүйрек конкременттерінің қайта түзілуінің профилактикасы үшін

4-5 ай бойы күніне 3 рет 1 шай қасықтан.

Жағымсыз әсерлері

- аллергиялық реакциялар болуы мүмкін

Қолдануға болмайтын жағдайлар

- препарат компоненттеріне жоғары сезімталдық

- 18 жасқа дейінгі балаларға

- жүктілік және лактация кезеңі

Дәрілермен өзара әрекеттесуі

Препаратты антибиотиктермен бірге қолдану емнің тиімділігінің артуына ықпал етеді.

Айрықша нұсқаулар

Конкремент көлемінің үлкендігіне орай несепағар тарылуы қаупі болғанда Цистон қолданбаған дұрыс.

Дәрілік заттың автокөлік немесе қауіптілігі зор механизмдерді басқару қабілетіне ықпал ету ерекшеліктері

Ықпал етпейді.

Артық дозалануы

Анықталмаған.

Шығарылу түрі және қаптамасы

Янтарь түстес ПЭТ құтыларда 100 мл-ден.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

Хималайя Драг Компани

Макали, Бангалор 562162, Үндістан

www.himalayawellness.com

Тіркеу куәлігінің иесі

Хималайя Драг Компани

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын; дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері (телефоны, факсы, электронды поштасы):

«Трансатлантик Алматы» ЖШС

Алматы қ., Әл-Фараби даңғылы 19

«Нұрлы-Тау» ПФО, 901 кеңсе

тел: 311-03-46/47

e-mail reg@transatlantic.kz

Қалалар