Тауарлардың көрінісі фотосуретте көрсетілгеннен өзгеше болуы мүмкін

Доктор мом от кашля клубника № 20 пастилки

Қолжетімділігі
Тауар қолда жоқ
Үлгі
8901086040886
Елі
Индия
Өндіруші
Юник
  • Сипаттама

Сипаттама

Дәрілік затты медициналық қолдану жөніндегі нұсқаулық

Доктор Мом® жөтелге қарсы өсімдік пастилкалары

Саудалық атауы

Доктор Мом® жөтелге қарсы өсімдік пастилкалары

Халықаралық патенттелмеген атауы

Жоқ

Дәрілік түрі

Ананасты, апельсинді, құлпынайлы, лимонды, таңқурайлы, жемісті, жидекті пастилкалар

Құрамы

Бір пастилканың құрамында

белсенді заттар:

Жалаң мия тамырларының құрғақ экстрактісі

15 мг,

Дәрілік зімбір тамырсабақтарының құрғақ экстрактісі

10 мг,

Дәрілік эмблика жемістерінің құрғақ экстрактісі

10 мг,

Левоментол

7 мг,

қосымша заттар:

  • ананасты пастилкалар: сахароза, сұйық декстроза, глицерол, лимонқышқылы моногидраты, метилпарагидроксибензоат, пропилпараги-дроксибензоат, BQ Supra бояғышы (хинолинді сары (Е104) және көк жылтыр FCF (Е133) бояғыштарының қоспасы), жалбыз хош иістендіргіші (жалбыз эссенциясы), ананас хош иістендіргіші
  • апельсиндi пастилкалар: сахароза, сұйық декстроза, глицерол, лимон қышқылы моногидраты, метилпарагидроксибензоат, пропилпараги-дроксибензоат, «күн батар» түстес сары бояғыш (Е110), апельсин хош иістендіргіші, жалбыз хош иістендіргіші (жалбыз эссенциясы)
  • құлпынайлы пастилкалар: сахароза, сұйық декстроза, глицерол, лимон қышқылы моногидраты, метилпарагидроксибензоат, пропилпара-гидроксибензоат, қанқызыл бояғыш (Понсо 4R) (Е124), құлпынай хош иістендіргіші
  • лимонды пастилкалар: сахароза, сұйық декстроза, глицерол, лимон қышқылы моногидраты, метилпарагидроксибензоат, пропилпараги-дроксибензоат, хинолинді сары бояғыш (Е104), лимон майы,жалбыз хош иістендіргіші(жалбыз эссенциясы)
  • таңқурайлы пастилкалар: сахароза, сұйық декстроза, глицерол, метилпарагидроксибензоат, пропилпарагидроксибензоат, азорубин бояғышы (Е122), таңқурай хош иістендіргіші
  • жемістi пастилкалар: сахароза, сұйық декстроза, глицерол, лимон қышқылы моногидраты, метилпарагидроксибензоат, пропилпараги-дроксибензоат, жүзім бояғышы (азорубин (Е122) және көк жылтыр FCF (Е133) бояғыштарының қоспасы), жеміс хош иістендіргіші
  • жидектi пастилкалар: сахароза, сұйық декстроза, глицерол, лимонқышқылы моногидраты, метилпарагидроксибензоат, пропилпараги-дроксибензоат, азорубин бояғышы (Е122), көк жылтыр FCF бояғыш (Е133), жидек хош иістендіргіші.

Сипаттамасы

Дөңгелек пішінді, екі жағы дөңес, жасыл түсті (ананасты) пастилкалар.

Дөңгелек пішінді, екі жағы дөңес, қызыл сары түсті (апельсинді) пастилкалар.

Дөңгелек пішінді, екі жағы дөңес, қызыл түстен шие-қызыл түске дейін болатын (құлпынайлы) пастилкалар.

Дөңгелек пішінді, екі жағы дөңес, жасыл-сарыдан сары түске дейін болатын (лимонды) пастилкалар.

Дөңгелек пішінді, екі жағы дөңес, қызыл түстен қою қызыл түске дейін болатын (таңқурайлы) пастилкалар.

Дөңгелек пішінді, екі жағы дөңес, қызғыш-күлгін түстен күлгін түске дейін болатын пастилкалар (жемісті).

Дөңгелек пішінді, екі жағы дөңес, қызғылт-қоңыр түстен қоңыр түске дейін болатын пастилкалар (жидекті).

Пастилкаларда ауа көпіршіктері болуы және жиектері тегіс болмауы мүмкін.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар.

АТХ коды R05

Фармакологиялық қасиеттері

Фармакокинетикасы

Жүйелік сіңірілудің төмен болуына байланысты, препараттың фармакокинетикасы жөнінде деректер жоқ.

Фармакодинамикасы

Қабынуға қарсы және қақырық түсіретін әсері бар біріктірілген фитопрепарат. Препараттың әсері оның құрамына кіретін компоненттердің қасиеттері арқылы жүзеге асады.

Жалаң мия тамырлары экстрактісінің қабынуға қарсы, қақырық түсіретін және спазмолитикалық әсерлері бар; дәрілік зімбір тамырсабақтарының экстрактісі қабынуға қарсы әсер етеді; дәрілік эмблика жемістері экстрактісінің қабынуға қарсы, ыстықты түсіретін әсерлері бар; ментолдыңспазмолитикалық және антисептикалық әсерлері бар.

Қолданылуы

- тыныс алу жолдарының «құрғақ» жөтелмен қатар жүретін жедел және созылмалы ауруларын (фарингит, ларингит, трахеит, бронхит), тамақ ауыруын симптоматикалық емдеуде

Қолдану тәсілі және дозалары

Ересектер әрбір 2 сағат сайын 1 пастилканы ауыз қуысында баяу соруы керек.

Ең жоғары тәуліктік доза – 10 пастилка. Емдеу курсы – 5-7 күн.

Жағымсыз әсерлері

- аллергиялықреакциялар

Қолдануға болмайтын жағдайлар

- препарат құрамына кіретін компоненттерге жоғары сезімталдық және жақпаушылығы

- туа біткен фруктоза жақпаушылығы, глюкоза-галактоза мальабсорбциясы, сукроза-изомальтоза ферменттері тапшылығы бар адамдарға

- 18 жасқа дейінгі балаларға

Дәрілермен өзара әрекеттесуі

Жөтелге қарсы препараттармен, сондай-ақ қақырық түзілуін азайтатын дәрілік заттармен бір мезгілде қолданбаған жөн, өйткені бұл сұйылған қақырықтың шығуын қиындатады.

Айрықша нұсқаулар

Препараттың 1 пастилкасында 1618 мг (1,618 г) сахароза және 1037 мг (1,037 г) сұйық декстроза бар, мұны қант диабетіне шалдыққан науқастар, сондай-ақ гипокалориялы диета кезінде ескеру қажет.

Егер ауру симптомдары нашарласа, сақталып қалса немесе жаңалары пайда болса, дәрілік затты қабылдауды тоқтатып, дәрігерге қаралу қажет. Пастилканы тістемеу және тұтастай жұтпау керек.

Балалардың қолы жетпейтін жерде сақтау керек. Бала дәрілік затты жұтып қойған жағдайда дереу медициналық көмекке жүгіну қажет.

Егер дәрілік зат жарамсыз болып қалса немесе жарамдылық мерзімі өтіп кетсе – оны ағын суға немесе далаға тастамаңыз! Дәрілік затты пакетке салып, қоқыс тастайтын контейнерге салыңыз. Мұндай шаралар қоршаған ортаны қорғауға көмектеседі!

Жүктілік және лактация кезеңі

Жүкті және бала емізетін әйелдерде қолдану тәжірибесі жоқтығына байланысты препаратты аталған топқа тағайындау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын және басқамеханизмдерді басқару қабілетіне әсер ету туралы деректер жоқ.

Артық дозалануы

Препараттың артық дозалану жағдайлары байқалған жоқ.

Шығарылу түрі және қаптамасы

4 пастилкадан баспалы лакталған алюминий фольгадан жасалған пішінді ұяшықсыз қаптамада. 5 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

8 пастилкадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада. 2 немесе 3 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ жерде, 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Босатылу шарттары

Рецептісіз

Өндіруші

Юник Фармасьютикал Лабораториз («Дж.Б. Кемикалс энд Фармасьютикалс Лтд.» фирмасының бөлімшесі)

Нилам Сентер, «Б» қанаты, 4 қабат, Хинд Сайкл Роуд, Ворли,
Мумбай – 400 030, Үндістан

Тіркеу куәлігінің ұстаушысы

«Джонсон & Джонсон» ЖШҚ, Ресей Федерациясы

121614, Мәскеу қ., Крылатская к-сі, 17 үй, 2 корп.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Джонсон & Джонсон» ЖШҚ филиалы

050040, Қазақстан Республикасы, Алматы қ., Тимирязев к-сі 42, 23-А павильоны

тел./факс: +7 (727) 356-88-11, +7 (727) 356-88-19

электронды пошта: safetyru@its.jnj.com