Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
ФОТИЛâ
Cаудалық атауы
Фотил®
Халықаралықпатенттелмеген атауы
Жоқ
Дәрілік түрі
Көзге тамызатын дәрі, 5 мл
Құрамы
1 млерітіндінің құрамында
белсенді зат: 20 мг пилокарпин гидрохлориді, 6,84 мгтимолол малеаты (5 мг тимололға баламалы),
қосымша заттар: бензалконий хлориді, лимон қышқылы моногидраты, натрий цитраты, гипромеллоза, инъекцияға арналған су.
Сипаттамасы
Фармакотерапиялық тобы
Глаукомаға қарсы препараттар және миотиктер. Парасимпатомиметиктер. Басқа препараттармен біріктірілген пилокарпин.
АТX коды S01EB51
Фармакологиялық қасиеттері
Фармакокинетикасы
Пилокарпин мөлдір қабық арқылы тез өтеді. Көздің сулы ылғалындағы концентрациясы ең жоғарғысына 30 минуттан соң жетеді. Пилокарпин көздің көптеген тіндерімен байланысады. Көз орталарынан жартылай шығарылу кезеңі 1,5 – 2,5 сағатты құрайды. Алайда, препараттың гипотензиялық әсері бірнеше сағат бойы сақталады.
Пилокарпин көзішілік сұйықтықпен бірге өзгеріссіз күйде шығарылады. Оның сулы ылғал түзілуін азайтатын тимололмен біріктірілімі пилокарпиннің шығарылу жылдамдығын баяулатады.
Пилокарпин быстро қан плазмасы мен бауырда белсенді емес формаларын түзе отырып жылдам гидролизденеді. Оның жартылай шығарылу кезеңі 0,5 сағаттан азды құрайды.
Тимолол мөлдір қабық арқылы көздің алдыңғы камерасының сулы ылғалына жылдам өтеді.
Жергілікті қолданылған тимололдың 80%-ға жуығы жүйелі қан ағымына өтеді. Тимололдың плазмадағы ең жоғарғы концентрациясы (Сmax) тимолол инстилляциясынан кейін шамамен 1 сағаттан соң анықталады. Жартылай шығарылу кезеңі 2-5 сағатты құрайды. Тимолол негізінен, бауырда, P450 2D6 цитохромы ферменттерінің (CYP2D6) әсерінен метаболизденеді. Басым бөлігі бүйрек арқылы шығарылады.
Фармакодинамикасы
Көзге тамызатын Фотил® дәрісінің құрамында екі белсенді зат бар. Пилокарпин м-холинергиялық рецепторларды стимуляциялайтын парасимпатомиметик болып табылады. Көзге тамызғаннан кейін пилокарпин миозды, аккомодация түйілуін туғызады және көзішілік қысымды төмендетеді. Көзішілік қысымның төмендеуіне көздің цилиарлық бұлшықеті мен нұрлы қабығы бұлшықетінің жиырылуы түрткі болады, ол сулы ылғалдың ағып шығуын жеңілдете отырып, көздің алдыңғы камерасы бұрышының кеңеюіне және трабекулярлық желінің физикалық құрылымының өзгеруіне алып келеді. Бұл әсері 4 сағаттан 14 сағатқа дейін созылады.
Тимолол, бета-адреноблокатор бола отырып, симпатомиметикалық нейромедиаторлардың бета1- және бета2-адренорецепторлармен байланысуын болдырмайды. Ол көзішілік қысымды төмендетіп, сулы ылғалдың өнімділігін азайтады. Тимолол әсерінің нысаналары цилиарлық денедегі бета2-адренергиялық рецепторлар болып табылады. Көзішілік қысымның елеулі төмендеуіне Фотил® препаратының бір реттік дозасынан кейін 1 сағат ішінде қол жеткізіледі. Ең жоғарғы әсері әдетте, 3 сағат ішінде байқалады.
Қолданылуы
Глаукомада немесе көзішілік қысымның жоғарылауында, монотерапия тиімсіз болған және тимолол мен пилокарпиннің біріктірілімі қажет болған жағдайда:
Қолдану тәсілі және дозалары
Әдеттегі дозасы – зақымданған көзге тәулігіне 2 рет 1 тамшыдан. Кейбірпациенттерде көзішілік қысымның Фотил® препаратынан туындайтын тұрақты түрде төмендеуіне бірнеше аптадан соң ғана қол жеткізіледі, сондықтан, емді бағалауғаемдеу басталғаннан кейін шамамен 4 аптадан соң көзішілік қысымды өлшеу кірістірілуі тиіс.
Егер көзге тамызатын Фотил® дәрісімен емдеген кезде пациенттің көзішілік қысымы жоғары күйінде қалса, көзге тамызатын Фотил® форте дәрісімен тәулігіне 2 рет 1 тамшыдан емдеуді жалғастыру ұсынылады. Дозасын ары қарай арттыру әдетте, көзішілік қысымды одан әрі төмендетпейді. Егер дәрілік заттың көрсетілген дозасын қолданған кезде көзішілік қысым қанағаттанарлық деңгейде тұрмаса, дәрігер емдеу кестесін қайта қарастыруы керек.
Мұрын бөлінісі жолын окклюзиялау немесе қабақты 2 минутқа жабу пайдаланылса, дәрілік заттың жүйелі сіңірілуі төмендейді. Нәтижесінде, жүйелі жағымсыз реакциялардың даму қаупі азаяды, және жергілікті әсері күшейеді.
Жағымсыз әсерлері
Тимолол малеаты
Жергілікті қолданылғанда офтальмологиялық бета-адреноблокаторлар жүйелі қан ағымына сіңіріледі, бұл оларды жүйелі қолданған кезде байқалатындарына ұқсас күтпеген жағымсыз әсерлердің дамуына алып келуі мүмкін. Офтальмологиялық мақсатта жергілікті қолданған кездегі жүйелі жағымсыз реакциялардың даму қаупі, жүйелі қолданған кездегіге қарағанда төменірек. Төменде атап келтірілген жағымсыз әсерлер офтальмологиялық мақсатта қолдануға арналған бета-адреноблокаторлардың барлық топтарына тән.
Иммундық жүйе: Квинке ісінуін, есекжемді, орныққан және жайылған бөртпені, қышынуды қоса жүйелі аллергиялық реакциялар, анафилаксиялық реакциялар.
Метаболизмдік бұзылулар: гипогликемия.
Психиатриялық бұзылулар: ұйқысыздық, депрессия, шым-шытырық түстер, жадын жоғалту.
Жүйке жүйесінің бұзылыстары: естен тану, цереброваскулярлық асқынулар, церебральді ишемия, миастения (астениялық бульбарлық салдану) белгілері мен симптомдары көріністерінің күшеюі, бас айналуы, парестезии, бас ауыруы.
Көру бұзылулары: көз тітіркенуінің белгілері мен симптомдары (ашытуы, шаншуы, қышынуы, жас ағуы, қызаруы), блефарит, кератит, көру өткірлігінің төмендеуі және фильтрациялау операциясынан кейін көздің тамырлы қабығының ажырауы («Айрықша нұсқаулар» бөлімін қараңыз), мөлдір қабық сезімталдығының төмендеуі, көздің құрғауы, мөлдір қабықтың эрозиясы, птоз, диплопия.
Жүрек бұзылулары: брадикардия, кеуденің ауыруы, жүрек соғуының жиілеуі, ісінулер, аритмиялар, жүректің іркілісті жеткіліксіздігі, атриовентрикулярлық блокада, жүректің тоқтап қалуы, жүрек жеткіліксіздігі.
Қантамыр бұзылулары: гипотония, Рейно синдромы, аяқтар мен қолдардың мұздауы.
Тыныс алу бұзылулары: бронх түйілуі, (көбінесе, анамнезінде бронхоспазмдық ауруы бар пациенттерде), ентігу, жөтел.
Асқазан-ішек бұзылыстары: дәм сезудің бұрмалануы, жүрек айнуы, диспепсия, диарея, ауыздың құрғауы, іштің ауыруы, құсу.
Тері және теріасты шелмайы: алопеция, псориазтәрізді бөртпе, псориаздың өршуі, тері бөртпесі.
Сүйек-бұлшықет жүйесі: миалгия.
Ұрпақ өрбіту жүйесі: сексуалдық дисфункциялар, либидо төмендеуі.
Жалпы бұзылулар: астения/әлсіздік.
Жоғарыда атап келтірілгендерге қосымша, келесі жағымсыз әсерлері офтальмологиялық бета-блокаторларды қолданған кезде сипатталған, олар так көзге тамызатын Фотил® дәрісін пайдаланған кезде де туындауы мүмкін:
Көздер тарапынан:
Жиі емес (≥ 1/1 000 - < 1/100 дейін): мөлдір қабық сезімталдығының төмендеуі, беткейлік нүктелік кератит.
Сирек (≥ 1/10 000 - < 1/1 000 дейін): «құрғақ көз» синдромы, блефароконъюнктивит, көру бұзылулары, көзге қос көрінуі, птоз.
Жүрек жүйесі тарапынан
Жиі емес (≥ 1/1 000 - < 1/100 дейін): брадикардия.
Сирек (≥ 1/10 000 - < 1/1 000 дейін): жүрек жеткіліксіздігі, аритмиялар.
Қантамыр жүйесі тарапынан
Сирек (≥ 1/10 000 - < 1/1 000 дейін): гипотензия, шеткері және церебральді қан ағымының азаюы.
Жүйке жүйесінің бұзылыстары
Жиі (≥ 1/100 - < 1/10 дейін): бас ауыруы.
Сирек (≥ 1/10 000 - < 1/1 000 дейін): бас айналуы.
Респираторлық, торакальді және медиастинальді бұзылулар
Жиі емес (≥ 1/1 000 - < 1/100 дейін): диспноэ.
Сирек (≥ 1/10 000 - < 1/1 000 дейін): бронх түйілуі (көбінесе, анамнезінде демікпе немесе жүрек жеткіліксіздігі сияқты бронхоспазмдық аурулары бар пациенттерде), мұрынның бітелуі.
Психиатриялық бұзылулар:
Жиі емес (≥ 1/1 000 - < 1/100 дейін): депрессия.
Сирек (≥ 1/10 000 - < 1/1 000 дейін): елестеулер, үрейлену, түнгі шым-шытырық түстер, сананың шатасуы.
Тері және теріасты шелмайы:
Сирек (≥ 1/10 000 - < 1/1 000 дейін): аса жоғары сезімталдық реакциялары: бөртпе, есекжем, алопеция.
Жалпы бұзылулар
Жиі емес (≥ 1/1 000 - < 1/100 дейін): әлсіздік.
Сирек (≥ 1/10 000 - < 1/1 000 дейін): астения.
Пилокарпин гидрохлориді
Көздер тарапынан:
Жиі (≥1/100 - <1/10 дейін): өтпелі шаншу немесе ашыту, көру өткірлігінің төмендеуі, жас ағудың күшеюі, цилиарлық бұлшықеттің түйілуі, торқабық тамырларындағы іркіліс, конъюнктива гиперемиясы, көздің ауыруы, қышуы, тітіркенуі, самай және супраорбитальді аумақтардағы бас ауыруы, жарық нашар кезде көру өткірлігінің төмендеуі (миоздың дамуына байланысты, әсіресе, катарактасы бар пациенттерде), миопия немесе аккомодация бұзылуы.
Сирек (≥1/10 000 - <1/1 000 дейін): торқабықтың ажырауы, шынытәрізді денеге қан құйылуы, нұрлы қабықтың сіресуі, нұрлы қабық кисталары, нұрлы қабық қантамырларының кеңеюі, қабақтардың жиырылуы, алдыңғы камераның тарылуы, көз бұршағының қайтымды көмескіленуі (пилокарпинді ұзақ уақыт қолданғанда).
Жүрек-қантамыр жүйесі тарапынан:
Жиі емес (≥1/1 000 - <1/100 дейін): артериялық қысымның төмендеуі.
Асқазан-ішек жолы:
Жиі емес (≥1/1 000 - <1/100 дейін): жүрек айнуы.
Сирек (≥1/10 000 - <1/1 000): құсу, сілекейдің көп бөлінуі, диарея.
Жалпы бұзылулар:
Сирек(≥1/10 000 - <1/1 000 дейін): тершеңдік.
Жағымсыз, соның ішінде, бұл нұсқаулықта көрсетілмеген реакциялар туындаған жағдайда, дәрігерге қаралу қажет.
Қолдануға болмайтын жағдайлар
- препараттың белсенді заттарына (тимолол малеаты/пилокарпин гидрохлориді) немесе компоненттерінің кез келгеніне жекелей жоғары сезімталдық
- алдыңғы увеит
- синустық брадикардия
- синустық түйін әлсіздігі синдромы
- жүректің синоаурикулярлық блокадасы
- ырғақ жетекшісінің көмегімен бақыланбайтын, II-III дәрежелі атриовентрикулярлық блокада
- айқын жүрек жеткіліксіздігі
- кардиогендік шок
- бронх демікпесін қоса, тыныс жолдарының реактивтік аурулары немесе анамнездегі бронх демікпесі
- өкпенің ауыр, созылмалы обструкциялық аурулары
- офтальмологиялық операциялардан кейінгі жағдайға жоғары сезімталдық және миозға жол берілмеуі қажет басқа көз аурулары
- холинергиялық қосылыстарды (пилокарпинді) нұрлы қабықтың жедел қабынуы кезінде қолдануға болмайды.
- 18 жасқа дейінгі балаларға (препараттың балалар мен 18 жасқа дейінгі жасөспірімдердегі тиімділігі мен қауіпсіздігі жөнінде мәліметтердің жоқтығына байланысты)
Дәрілермен өзара әрекеттесуі
Тимолол мен пилокарпиннің басқа дәрілік заттармен өзара әрекеттестік реакцияларының дамуына қатысты ешқандай спецификалық зерттеулер жүргізілген жоқ. Катехоламиндердің жинақталуын бұзатын препараттар (резерпин) артериялық гипотензияның (соның ішінде, ортостаздық), брадикардия мен бас айналуының дамуына ықпал етеді.
Тимололды құрамында адреналин бар, көзге тамызатын дәрілермен (эпинефрин) бірге пайдалану мидриазды (қарашықтың кеңеюін) туғызуы мүмкін.
Бета-адреноблокаторларды, «баяу» кальций өзекшелерінің жүйелі әсері бар блокаторларын, аритмияға қарсы дәрілік заттарды (амиодаронды қоса), оймақгүл гликозидтерін, парасимпатомиметиктер мен гуанетидинді бір мезгілде қолдану олардың фармакологиялық әсерінің күшеюіне алып келеді, және жүрек өткізгіштігінің бұзылулары мен артериялық гипотензияның даму қаупін арттырады.
Тимололды CYP2D6 тежегіштерімен (мысалы, хинидин, флуоксетин, пароксетин) бір мезгілде пайдаланғанда, жүйелі жағымсыз реакциялардың (жүректің жиырылу жиілігінің азаюы, депрессия) даму қаупінің артқаны туралы хабарланды, өйткені CYP2D6 тежегіштері плазмадағы тимолол концентрациясын арттыруы мүмкін.
Айрықша нұсқаулар
Фотилâ препаратымен емдеу басталмас бұрын, көзге тамызатын басқа дәрілерді пайдалану тоқтатылуы тиіс: осының алдындағы глаукомаға қарсы дәрі тоқтатылуы, ал көзге тамызатын Фотилâ дәрісімен емдеу келесі күні басталуы тиіс.
Әсерінің тиімділігін бағалауды көзішілік қысымды жүйелі түрде бақылай отырып, емдеу басталғаннан кейін 4 аптадан соң жүргізу керек.
Ары қарай емдеуді де, көзішілік қысымды жүйелі түрде бақылай отырып жүргізу керек.
Жергілікті қолдануға арналған басқа офтальмологиялық препараттар сияқты, тимолол малеаты мен пилокарпин гидрохлориді жүйелі түрде сіңіріледі. Тимолол сияқты жергілікті қолдануға арналған бета-блокаторлар, жүйелі бета-адреноблокаторларды қолданғандағы сияқты, жүрек-қантамыр, өкпе және басқа жүйелер тарапынан күтпеген жағымсыз реакциялардың дамуын туғызуы мүмкін. Құрамында бета-блокаторлар бар көзге тамызатын дәрілерді қолданғаннан кейінгі жүйелі жағымсыз реакциялардың даму жиілігі оларды жүйелі пайдаланғандағыға қарағанда төмен:
Жүрек аурулары: Жүрек-қантамыр аурулары (мысалы, жүректің ишемиялық ауруы, Принцметал стенокардиясы, жүрек жеткіліксіздігі) және артериялық гипотензиясы бар пациенттерде бета-блокаторлармен емдеу сыни тұрғыдан бағалануы тиіс, және құрамында басқа да белсенді заттар бар басқа дәрілік препараттармен емдеу қарастырылуы тиіс. Симпатикалық жүйке жүйесінің стимуляциясы миокардтың жиырылу қабілеті төмен пациенттерде қанайналымды демеу үшін елеулі фактор болуы мүмкін, және оны бета-блокатордың тежеуі жүрек жеткіліксіздігінің декомпенсациясын туғызуы мүмкін. Қозудың өткізілу уақытына теріс әсер ететіндігіне байланысты, жүрек блокадасының бірінші дәрежесі бар пациенттерге бета-блокаторларды сақтықпен тағайындау керек. Жүрек-қантамыр аурулары бар пациенттерде аталған аурулар симптомдары мен жағымсыз реакциялардың нашарлауының бар-жоқтығын қадағалау қажет.
Қантамыр аурулары: шеткері циркуляторлық бұзылулары/аурулары (Рейно ауруының немесе Рейно синдромының ауыр түрі) бар пациенттерді сақ болып емдеу керек.
Тыныс алу функцияларының бұзылуы: Құрамында бета-блокаторлар бар көзге тамызатын дәрілерді қолданғанда, бронх демікпесі бар пациенттерде бронх түйілуі салдарынан болған өлімді қоса, респираторлық реакциялардың дамығаны туралы хабарланған. Фотилâ препаратын өкпенің созылмалы обструкциялық ауруының жеңіл және орташа дәрежесі бар пациенттерде, ықтимал пайдасы қаупінен асып түсетін жағдайда ғана, сақтықпен қолдану қажет.
Гипогликемия/диабет: Бета-блокаторларды кенеттен гипогликемия дамуына ұшыраған пациенттерде немесе тұрақсыз диабеті бар пациенттерде сақ болып қолдану керек, өйткені, бета-блокаторлар жедел гипогликемияның белгілері мен симптомдарын бүркемелеуі мүмкін.
Бета-блокаторлар гипертиреоз симптомдарын бүркемелеуі мүмкін.
Мөлдір қабық аурулары: Офтальмологиялық бета-блокаторлар көздің құрғауын туғызуы мүмкін. Мөлдір қабық аурулары бар пациенттерді сақтықпен емдеу керек.
Басқа бета-блокаторлар: Көзішілік қысымға әсері немесе бұрыннан белгілі жүйелі әсері күшеюі мүмкін, пациент жүйелі бета-блокаторларды бұрыннан қабылдап жүрсе, бета-блокаторлардың жүйелі әсері күшеюі мүмкін. Аталған дәрілік заттарды қабылдауға жауапты мұқият қадағалау қажет. Жергілікті қолдануға арналған екі бета-адреноблокаторды қолдану ұсынылмайды («Басқа дәрілік заттармен өзара әрекеттесуі» бөлімін қараңыз).
Анафилаксиялық реакциялар: Жергілікті бета-блокаторларды қабылдап жүрген, анамнезінде түрлі аллергендерге аллергиялық немесе ауыр анафилаксиялық реакциялар білінген пациенттер, аллергендерді қайта енгізуге күштірек реакция беруі және, анафилаксиялық реакцияны емдеуде адреналиннің әдеттегі дозасына жауап бермеуі мүмкін.
Көздің тамырлы қабығының ажырауы: Фильтрациялау операцияларынан кейін көзішілік сұйықтықтың түзілуіне кедергі келтіретін дәрілік заттарды (мысалы, тимололды, ацетазоламидті) қолданғанда, көздің тамырлы қабығы ажыраған жағдайлар сипатталған.
Хирургиялық анестезия: Офтальмологиялық бета-блокаторлар бета-агонистердің, мысалы, адреналиннің жүйелі әсерін бөгеуі мүмкін. Егер пациент Фотилâ препаратын қабылдап жүрсе,анестезиолог одан хабардар болуы тиіс.
Жүйелі сіңірілуін азайту тәсілін «Қолдану тәсілі және дозалары» бөлімінен қараңыз.
Көзге тамызатын Фотилâдәрісінің құрамында консервант ретінде бензалконий хлориді бар, және оны жанаспалы линзаларды тағып жүрген кезде пайдалану ұсынылмайды. Препаратты қолданар алдында жанаспалы линзаларды алып тастау және оларды кемінде 15 минуттан ерте қайта тақпау керек.
Жүктілік және лактация кезеңі
Тимололдың немесе пилокарпиннің жүкті әйелдерде қолданылуы жөнінде жеткілікті мәлімет жоқ. Аса қажет жағдайларда болмаса, көзге тамызатын Фотилâ дәрісін жүктілік кезінде қолданбаған дұрыс. Жүйелі сіңірілуін азайту тәсілін «Қолдану тәсілі және дозалары» бөлімінен қараңыз.
Эпидемиологиялық зерттеулерден бета-блокаторлардыңшаранада туа бітетін ақаулардың дамуына әсері (тератогендік әсері) анықталған жоқ, алайда, ішу арқылы қолданғанда, өсудің құрсақішілік кідіруін көрсетті. Егер бета-блокаторлар босанғанға дейін қолданылса, жаңа туған нәрестелерде бета-блокада белгілері мен симптомдары (брадикардия, гипотензия, респираторлық дистресс-синдром, гипогликемия) байқалған. Егер Фотилâ препараты тура босанулар алдында қолданылса, онда жаңа туған нәрестелер туғаннан кейін бірнеше күн бойы мұқият қадағалауда болуы тиіс.
Бета-блокаторлар емшек сүтімен бөлініп шығады. Алайда, емшек сүтіндетимололдың жаңа туған нәрестелерде бета-блокаданың клиникалық симптомдарының дамуын туғызу үшін жеткілікті мөлшерде болуы ықтималдығы аз.
Жүйелі сіңірілуін азайту тәсілін «Қолдану тәсілі және дозалары» бөлімінен қараңыз.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көзге тамызатын Фотилâ дәрісі автомобильді басқару, және ауыр күрделі жабдықтарды пайдалану қабілетіне әсер етуі мүмкін. Миоз әдетте, қараңғылыққа бейімделуді қиындатады. Пациент тәуліктің қараңғы уақытында автомобиль басқарудан бас тартқаны жөн. Тимолол артериялық қысымды төмендетуі мүмкін, ол кейбір пациенттерде өтпелі шаршауға және бас айналуына әкеп соқтыруы мүмкін. Емді инициациялау кезінде мұны пациентке түсіндіру керек. Көзге тамызатын Фотилâ дәрісінің инстилляциясынан кейін көрудің қысқа мерзімді бұлыңғырлануы байқалуы мүмкін.
Егер жүйке немесе көру жүйелері тарапынан аталған жағымсыз әсерлер білінсе, пациент автомобиль жүргізуден немесе күрделі механизмдермен, станоктармен немесе зейін қою мен психомоторлық реакциялар жылдамдығын қажет ететін кез келген басқа күрделі жабдықпен жұмыс жасаудан бас тартуы керек.
Артық дозалануы
Препарат көз бен мұрынның шырышты қабықтары арқылы жылдам сіңірілетін болғандықтан,көзге тамызатын Фотил® дәрісінің бірнеше тамшысы аритмияларды, тамыр соғуының транзиторлық баяулауын, артериялық төмендеуін, бронх түйілуін немесе жүрек жеткіліксіздігін туғызуы мүмкін.
Артық дозаланған жағдайда дереу дәрігерге қаралу қажет.
Емі негізінен, симптоматикалық. Атропинді пилокарпиннің антидоты ретінде пайдалануға болады. Айқын брадикардияны немесе бронх түйілуін басу үшін изопреналинді, артериялық гипотензияны емдеу үшін добутаминді вена ішіне енгізуге болады.
Шығарылу түрі және қаптамасы
Бұралатын қақпақтары бар пластик тығындармен тығындалған полиэтиленнен жасалған тамшылатқыш құтыларда 5 мл-ден.1 құтыдан қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
+2°C -ден + 8°C-ге дейінгі температурада сақтау керек.
Ашылған құтыны 25 ºС-ден аспайтын температурада сақтайды. Құтыныжарықтан қорғалған жерде картон қорапшада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Құтысын ашқаннан кейін – 28 күн.
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Тіркеу куәлігінің иесі
Сантeн АҚ, Нииттюхаанкату 20, 33720 Тампере, Финляндия
Өндіруші, бірінші қаптаушы
Сантен Фармасьютикал (Қытай) Ко., Лтд
№.169 Тинглан Роад, Сучжоу Индастриал парк Сучжоу
Цзянсу провинциясы, 215026 Қытай
Екінші қаптаушы және шығарылу сапасын бақылаушы
Сантен АҚ, Нииттюхаанкату 20, 33720 Тампере, Финляндия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«Cантен» АҚ Қазақстандағы өкілдігі
Панфилов к-сі 98, 713 кеңсе, 050000 Алматы, Қазақстан
Телефон нөмірі – 250-39-17
Электронды поштасы: santen.kaz@santen.com