Гиненорм 0,1% 100 мл 5 раствор вагинальный

Сипаттама

Дәрілік затты медициналық қолдану

жөніндегі нұсқаулық

Гиненорм

Саудалық атауы

Гиненорм

Халықаралық патенттелмеген атауы

Ибупрофен

Дәрілік түрі

0.1 % қынаптық ерітінді, 100 мл

Құрамы

100 мл препараттың құрамында

белсенді зат – 100.0 мг ибупрофен изобутиламмоний (69.8 мг ибупрофенге баламалы),

қосымша заттар: метилэтилпропилбутил-2-фенокси-этанол-п-гидроксибензоат (ундебензофен), полисорбат 20, пропиленгликоль, гүл эссенциясы, тазартылған су.

Сипаттамасы

Мөлдір түссіз ерітінді

Фармакотерапиялық тобы

Гинекологиялықауруларды емдеуге арналған басқа препараттар.

Қынапішілік қолдануға арналған қабынуға қарсы препараттар.

Ибупрофен

АТХ кодыG02CC01

Фармакологиялық қасиеттері

Фармакокинетикасы

Қынапішілік қолданған кезде Гиненорм препараты төмен сіңіргіштікке ие және жүйелі әсер етпейді. Биожетімділігін зерттеген кезде Гиненорм препаратын қолдану барысында аналитикалық сезімталдық шегіндегіқан плазмасында ибупрофеннің төмен деңгейі анықталатыны белгіленген.

Фармакодинамикасы

Гиненорм препаратының әсер ету механизмі простагландиндер ізашары болып табылатын арахидон қышқылы метаболизмінің негізгі ферменті - циклооксигеназаның (ЦОГ) белсенділігін бәсеңдетумен байланысты, бұл қабыну, ауыру мен қызбаның патогенезінде негізгі рөл атқарады. Қабынуға қарсы әсері тамырлар өткізгіштігінің азаюымен, микроайналымның жақсаруымен, жасушалардан қабыну медиаторлары (простагландиндер, кининдер, лейкотриендер) босап шығуының төмендеуімен және қабыну үдерісін қуаттық қамтамасыз етуін басумен байланысты. Ауырғанды басатын әсері шеткері әрі (жанамалы түрде, простагландиндер синтезін басу арқылы), орталық механизмге де (орталық және шеткері жүйке жүйесіндегі простагландиндер синтезін тежеуге сүйенетін) негізделген.

Жүйелі қолданған кезде ибупрофен тромбоциттер агрегациясын басады және аралық мидың жылу реттегіш орталықтары қозғыштығының азаюына байланысты ыстық түсіретін әсер етеді. Бұдан басқа ибупрофен аденозиндифосфат пен коллаген туындататын тромбоциттер агрегациясын қайтымды тежейді.

Қолданылуы

- барлық типті вульвовагиниттер мен цервиковагиниттерде

- гинекологиялық хирургияда операцияға дейін- және кейін емдеуде

Қолдану тәсілі және дозалары

Дәрігердің ұсынымдарына сәйкес, күніне 1 немесе 2 қынаптық бүркіп шаю.

Қолданған кезде ерітінді бөлме температурасында немесе жылы болуы мүмкін (бұл үшін ерітіндісі барқұтыны қысқа уақытқа ыстық ағын судың астына қою ұсынылады).

• Кепілді бекітетін пломбаны екі бүйірінен басып тұрыпшешіңіз.
• Одан әрі стерильді канюлядан қорғаныш жабынын шешіңіз, оны құтыға орнатыңыз, оның жақсы бекітілгеніне көз жеткізіңіз.
• Канюляны қынапқа абайлап енгізіңіз, одан кейін ол толығымен босағанға дейін құтыны қысыңыз.
• Ерітіндіні тазартатын және емдік әсер көрсететіндей етіп енгізіңіз.
• Емдік әсер етуі үшін ерітінді қынапта бірнеше минут бойы болуы тиіс.
• Емдеуші дәрігердің барлық ұсынымын ұстаныңыз.

Емдеу ұзақтығы 3-тен 7 күнге дейінді құрайды.

Жағымсыз әсерлері

Өте сирек

- эксфолиативті дерматитті Стивенс- Джонсон синдромы және уытты эпидермальді некролизді (Лайелл синдромы) қоса, тері реакциялары

Қолдануға болмайтын жағдайлар

- препараткомпоненттерінің кез келгеніне немесе химиялық құрамы жағынан ұқсас заттарға жоғары сезімталдықта

- жүктілік және лактация кезеңі

- 16 жасқа дейінгі балаларға

Дәрілермен өзара әрекеттесуі

Анықталмаған

Айрықша нұсқаулар

Қабынуға қарсы стероидты емес дәрілермен (ҚҚСД) емдеу кезінде күрделі тері реакция жағдайлары өте сирек байқалған, олардың кейбіреуіэксфолиативті дерматитті, Стивенс-Джонсон синдромы және уытты эпидермальді некролизді қоса өлімге әкелуі де мүмкін.

Асқын сезімталдық реакцияларының пайда болу қаупі пациенттерде емнің бастапқы сатысында көп кездеседі (алғашқы айда). Гиненорм қынаптық ерітіндісін қолданған кезде сіңуі өте төмен деңгейде болғандықтан, іс жүзінде оның жүйелі әсері болмайды. Олармен бірге тері бөртпелері, шырышты қабықтардың қабынуы немесе асқын сезімталдықтың басқа белгілері пайда болған жағдайда препаратты қолдануды дереу тоқтату және дәрігерге қаралуұсынылады.

Дәрілік затты жергілікті, әсіресе ұзақ қолдану асқын сезімталдық реакциясының пайда болуынаәкеп соқтыруы мүмкін.Асқын сезімталдық реакциясы пайда болған кезде препаратты қолдануды дереу тоқтату және тиісті емдік шараларды жүргізу үшін дәрігерге қаралуқажет.

Клиникалық симптоматиканың жоғалып кетуін болдырмас үшін препаратты спецификалық сияқты спецификалық емес әртүрлі вульвовагиниттердің асқынған және ауыр түрлерін емдеу үшін қолданудың қажеті жоқ.

Препарат құрамында қосымша заттардан басқа консервант ретінде парагидроксибензоат бар, жүйелі аллергиялық реакция туралы хабардың жоқтығына қарамастан аллергиялық реакцияның (кейде мерзімі ұзартылған), сондай-ақ – терінің тітіркенуін туындатуы мүмкінпропиленгликоль себепшісі болуы мүмкін.

Балаларға қолдану

Препаратты 16 жасқа дейінгі қыз балаларға қолданылмайды.

Жүктілік және лактация кезеңі

Клиникаға дейінгі зерттеу барысында, өзіне фармакологиялық қауіпсіздік зерттеуін қоса (сонымен қатар- ұрпақ өрбітуге уыттылық, гендік уыттылық, канцерогендік және созылмалы уыттылық жөніндегі зерттеулер), адам үшін зерттелетін заттардың болжамды қаупі анықталмаған. Сонымен бірге, жүкті әйелдердің қатысуымен кең масштабты клиникалық зерттеулердің жоқтығына байланысты Гиненорм қынаптық ерітіндісін жүктілік және лактация кезіндеқолдануға болмайды.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Гиненорм автомобиль жүргізу және механизммен жұмыс істеу қабілетіне әсер етпейді.

Осы нұсқаулықта айтылмағанкез келген жағымсыз әсерлердің пайда болуы туралы, емдеуші дәрігер немесе жұмыс жасап жүрген фармацевт міндетті түрдехабардар болуы тиіс.

Артық дозалануы

Жүйелік қан ағымына сіңірілу дәрежесінің төмендігіне байланысты артық дозалану мүмкіндігі аз.

Шығарылу түрі және қаптамасы

0,1% қынаптық ерітінді, 100 мл препараттан жоғары және төменгі тығыздықтағы полиэтиленнен жасалған қақпағы бар төменгі тығыздықтағы полиэтилен құтыға құйылған. Әр құтыға желімді заттаңбаны жапсырады. 5 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Стерильді канюлялар поливинилхлоридті үлбірден және алюминий фольгадан жасалған пішінді ұяшықты қаптамаларға жеке қапталған.

Сақтау шарттары

25 ⁰С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Mitim s.r.l., Италия

Тіркеу куәлігінің иесі

Aesculapius Farmaceutici S.r.l., Via Cozzaglio, 24-25125 Brescia, Италия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері

«AVITA(АВИТА)» ЖШС,

Алматы қ.,Сейфуллин к-сі, 458-460/95

телефон/факс 8/727/2794732

Дәріханалар

Қалалар