Ибуфен 100 мг/г гель, 50 гр для наружного применения
Тауарлардың көрінісі фотосуретте көрсетілгеннен өзгеше болуы мүмкін

Ибуфен 100 мг/г гель, 50 гр для наружного применения

Қолжетімділігі
Тауар қолда жоқ
Үлгі
5903060611863
Елі
Польша
Өндіруші
ООО"Апипол Фарма"
  • Сипаттама

Сипаттама

Дәрілік препаратты медициналық қолдану жөніндегі нұсқаулық (қосымша парақ)

Саудалық атауы

Ибуфенâ

Халықаралық патенттелмеген атауы

Ибупрофен

Дәрілік түрі, дозалануы

Сыртқа қолдануға арналған гель 100 мг/г, 50 г

Фармакотерапиялық тобы

Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Ибупрофен.

АТХ коды M02AА13

Қолданылуы

Жергілікті ауыруды басатын және қабынуға қарсы әсерін талап ететін дімкәстік кезінде жергілікті қолданылады:

- сүйек-бұлшықет жүйесінің аурулары кезіндегі ауыру синдромында

- арқа ауырғанда

- невралгияда

- жарақаттан кейінгі ауыру синдромында

- артриттің жеңіл формасындағы ауыруларда

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- ибупрофенге немесе қандай да бір қосымша заттарға, ацетилсалицил қышқылына және басқа қабынуға қарсы стероидты емес дәрілерге жеке жоғары сезімталдық

- терінің аллергиялық аурулары

- терідегі өзгерістермен инфекциялық аурулар

- күйіктер

- тері тұтастығының бұзылулары

- ацетилсалицил қышқылын немесе басқа ҚҚСП қабылдауға байланысты анамнезде бронх түйілуі, ринит және есекжем

- 12 жасқа дейінгі балалар

Қолдану кезінде қажетті сақтық шаралары

Ибупрофенді қолданған кезде бауыр немесе бүйрек функциялары бұзылған, сондай-ақ асқазан және (немесе) он екі елі ішектің ойық жаралы ауруы бар науқастарда сақ болған жөн.

Бұрын ацетилсалицил қышқылын немесе басқа ҚҚСП қабылдамаған бронх демікпесі бар пациенттерге, Ибуфен® гелі дәрілік өнімін қолданғанға дейін дәрігермен кеңескен жөн.

Сыртқа қолданылатын ибупрофен АІЖ тарапынан жағымсыз әсерлерді тудыруы мүмкін. Ибупрофенді ішке қабылдағанға қарағанда мұндай жағымсыз әсерлердің пайда болу қаупі төмен болуына қарамастан, АІЖ тарапынан бұзылулар бар пациенттерге Ибуфен® гель дәрілік препаратын қолданғанға дейін дәрігерге қаралған жөн.

Эксфолиативті дерматитті, Стивенс-Джонсон синдромын және уытты эпидермальді некролизді қоса, кейбіреулері өліммен аяқталған күрделі тері реакциялары ҚҚСП пайдаланумен байланысты сирек хабарланады. Пациенттер емдеудің алғашқы айы ішінде көп жағдайларда пайда болатын емнің ерте сатыларында осы реакциялардың ең жоғары қаупіне ұшырайды. Құрамында ибупрофен бар препараттарға қатысты жедел жайылған экзантематозды пустулез (AGEP) туралы хабарланды. Ибуфен® тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері сияқты күрделі тері реакцияларының белгілері мен симптомдары алғаш пайда болғанда тоқтатылуы керек.

Көзге және шырышты қабықтарға тигізуге болмайды.

Жағу аймағында тері өзгерістері болған жағдайда дәрілік препаратты қолдануды тоқтатқан жөн.

Теріге ұзақ уақыт жағу қажет болғанда қорғаныс қолғаптарын қолдану ұсынылады.

Дәрілік препаратты әр 4 сағаттан жиі және тәулігіне 3 реттен аса қолдануға болмайды.

Гельді жаққаннан кейін, егер емделетін жер қол болған жағдайдан басқа кезде қолды мұқият жуып тастау қажет.

Егер дәрілік препаратты 2 апта қолданғаннан кейін симптомдары жоғалмаса немесе күшейсе, дәрігерге қаралу қажет.

Қан жүйесіндегі ибупрофеннің концентрациясы ішке қабылдағанға қарағанда сыртқа қолдану кезінде төмен. Дегенмен ішке қабылданатын ибупрофен бүйрек жеткіліксіздігін күшейту мүмкін болғандықтан, анамнезде бүйрек аурулары бар пациенттерге Ибуфен® гель дәрілік препаратын қолданғанға дейін дәрігерден кеңес алған жөн.

Басқа дәрілікпрепараттармен өзара әрекеттесуі

Сыртқа қолданған кезде ибупрофеннің дәрілік өзара әрекеттесуі сипатталмаған, алайда ішке қабылдағаннан кейін болатын өзара әрекеттесулерді жоққа шығаруға болмайды. Дегенмен, жергілікті қолданғанның өзінде ибупрофен жүйелік әсер ететінін және теориялық жағынан гельді басқа ҚҚСП бір уақытта пайдаланудан жағымсыз әсерлер күшеюі мүмкін екендігін ескерген жөн.

Арнайы сақтандырулар

Жүктілік және лактация

Дәрілік препаратты жүктілік және емшек емізген кезде пайдаланғанда сақ болған жөн. Жергілікті қолданылатын ибупрофен организмге ішке қабылдауға қарағанда аз мөлшерде өтетініне қарамастан жүкті әйелдер мен емшек емізетін аналар дәрілік препаратты қолданар алдында дәрігерден кеңес алған жөн.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Ибуфен® гель препаратынан кейін көлікті басқаруға және механизмдерге қызмет көрсетуге қарсы көрсетілімдер туралы ақпарат жоқ.

Қолдану жөніндегі нұсқаулар

Қолдану тәсілі

Сыртқа қолдануға арналған.

Дозалануы

Ересектер және 12 жастан асқан балалар:

Гельдің жолағын (шамамен 3 см) ауырған жердегі теріге жағу және толық сіңгенге дейін абайлап ысқылау керек.

Ұсынылған дозаны асырмау керек. Емдеудің ұзақтығын дәрігер анықтайды.

Артық дозалану жағдайында қабылдау қажет болатын шаралар

Сыртқа қолданғаннан кейін артық дозалану ықтималдығы аз.

Препарат ауыз қуысына түскен жағдайда артық дозалану симптомдары болуы мүмкін. Артық дозаланудан кейін препараттың жартылай шығарылуы кезеңі 1,5-нан 3 сағатқа дейінгі уақытты құрайды.

Препаратты ішке қабылдаған кезде артық дозалану симптомдары

ҚҚСП қабылдаған пациенттердің көбінде: жүрек айнуы, құсу, құрсақ үсті аймағының ауыруы, сирек диарея байқалған. Сондай-ақ құлақтың шуылдауын, бастың ауыруын және АІЖ қан кетуді байқаған.

Ауыр жағдайларда ұйқышылдық, уақытша қозу, бағдардан адасу немесе кома түріндегі шеткері жүйке жүйесі тарапынан бұзылулар байқалған. Кейде құрысулар, ал ауыр улану кезінде – метаболизмдік ацидоз және протромбин уақытының (РТ/INR) артуы болған. Сондай-ақ жедел бүйрек жеткіліксіздігі мен бауыр тарапынан бұзылулар байқалған. Сондай-ақ демікпеден зардап шегетін науқастарда демікпе симптомдарының күшею мүмкіндігі белгіленген.

Артық дозалану кезіндегі шаралар

Препаратты кездейсоқ ішке қабылданған жағдайда, құстыру, асқазанды шаю (қабылдағаннан кейін бір сағат ішінде), белсендендірілген көмірді, сілтілік сусын ішу қажет. Симптоматикалық және демеуші ем қолданылады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болғанда)

Сирек

- эпидермис некрозы және полиморфты эритема

Жиілігі белгісіз

- тері тарапынан бұзылулар (мысалы қызару) және препаратты жаққан жерде түршігу сезімі

- спецификалық емес аллергиялық және анафилаксиялық реакциялар

- демікпе, демікпе асқынуы, бронх түйілуі немесе ентігу

- түрлі сипаттағы бөртпе, қышыну, есекжем

- Квинке ісінуі

- жедел жайылған экзантематозды пустулез (AGEP)

- іштің ауыруы, диспепсия

- дененің үлкен аумағына ұзақ уақыт қолданған кезде бас ауыруы, бас айналу, қан құрамындағы өзгерістер (гранулоцитопения, агранулоцитоз), гиперурикемия, ал АІЖ тарапынан: жүрек айнуы, құсу, диарея, тәбеттің жоғалуы, асқазан және он екі елі ішектің ойық жаралы ауруының қайталануы сияқты қосымша жағымсыз әсерлердің дамуы мүмкін. Ибупрофенмен емдеу үдерісінде сондай-ақ бүйрек тарапынан негізінен бүйрек аурулары бар пациенттерде бұзылулар болуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

50 г гельдің құрамында

белсенді зат: 5.000 г лизинді тұздың ибупрофені

қосымша заттар: полиэтиленгликоль 200, метилпарагидроксибензоат, пропилпарагидроксибензоат, карбомер 980, қышқыл апельсин майы, триэтаноламин, тазартылған су.

Сыртқы түрінің, иісінің, дәмінің сипаттамасы

Ақшыл-сары немесе сары сәл бозаңданатын өзіне тән иісі бар гель.

Шығарылу түрі және қаптамасы

50 г препараттан пластмасса қақпақпен бұралатын алғашқы ашылуы бақыланатын алюминий сықпаға құяды.

1 сықпаны медициналық қолдану жөніндегі мемлекеттік және орыс тілдеріндегі нұсқаулықтармен бірге картон қорапшаға салады.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Алғашқы қаптаманы ашқаннан кейін 6 ай.

Сақтау шарттары

Түпнұсқалық қаптамасында, 25°C-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Медана Фарма» АҚ

98-200 Серадз, В. Локетка көшесі, 10, Польша

Тіркеу куәлігінің иесі

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта infomed@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон нөмірі +7 7252 (610150)

Электронды поштаphv@santo.kz