Максигра 100 мг № 4 табл покрытые оболочкой

Сипаттама

ДӘРІЛІК ПРЕПАРАТТЫҢ ЖАЛПЫ СИПАТТАМАСЫ

1. ДӘРІЛІК ПРЕПАРАТ АТАУЫ

Максигра, 50 мг, үлбірлі қабықпен қапталған таблеткалар

Максигра, 100 мг, үлбірлі қабықпен қапталған таблеткалар

2. САПАЛЫҚ ЖӘНЕ САНДЫҚ ҚҰРАМЫ

Әсер етуші зат: силденафил.

Максигра, 50 мг, үлбірлі қабықпен қапталған таблеткалар

әр таблетканың құрамында 70.24 мг силденафил цитраты бар (50.00 мг силденафилге баламалы)

Максигра, 100 мг,үлбірлі қабықпен қапталған таблеткалар

әр таблетканың құрамында 140.48 мг силденафил цитраты бар (100.00 мг силденафилге баламалы)

Қосымша заттардың толық тізбесі 6.1 бөлімінде берілген.

3. ДӘРІЛІК ТҮРІ

Үлбірлі қабықпен қапталған таблеткалар

Максигра, 50 мг, үлбірлі қабықпен қапталған таблеткалар

Дөңгелек пішінді, екі беті дөңес, көгілдір түсті үлбірлі қабықпен қапталған диаметрі (8.0-8.4) мм таблеткалар.

Максигра, 100 мг,үлбірлі қабықпен қапталған таблеткалар

Дөңгелек пішінді, екі беті дөңес, көгілдір түсті үлбірлі қабықпен қапталған диаметрі (10.0-10.4) мм таблеткалар.

4. КЛИНИКАЛЫҚ ДЕРЕКТЕР

4.1 Қолданылуы

Қанағаттанарлық жыныстық қатынас жасауға жеткілікті жыныс мүшесінің эрекциясына жетуге немесе оны сақтап тұруға қабілетсіздікпен сипатталатын эректильді дисфункция.

Максигра препараты Cізге тек сексуалдық стимуляция кезінде тиімді.

4.2 Дозалау режимі және қолдану тәсілі

Дозалау режимі

Ересектерде қолдану

Максигра препаратының ұсынылатын дозасы жыныстық қатынастан шамамен 1 сағат бұрын 50 мг құрайды. Тиімділігін және жағымдылығын ескере отырып, дозаны 100 мг дейін арттыруға немесе 25 мг дейін азайтуға болады. Ұсынылатын ең жоғары доза 100 мг құрайды. Ұсынылатын ең жоғары қабылдау жиілігі - тәулігіне 1 рет. Максигра препаратын ас ішумен немесе онсыз қабылдауға болады. Дегенмен де, тамақпен бірге қабылдаған жағдайда Максигра препараты әсерінің басталуы үшін көбірек уақыт керек болуы мүмкін (5.2 бөлімін қараңыз).

Пациенттердің ерекше топтары

Егде жастағы пациенттер

Егде жастағы пациенттерде (≥ 65 жас) дозаны түзету қажет емес.

Бүйрек функциясының бұзылуы бар пациенттер

Бүйрек функциясының жеңіл және орташа бұзылу дәрежесінде (креатинин клиренсі 30-80 мл/мин) дозаны түзету қажет емес.Бүйрек функциясының бұзылуы ауыр (креатинин клиренсі < 30 мл/мин) пациенттерде Максигра препаратын 25 мг дозада қолдану мүмкіндігін қарастыру керек. Препараттың тиімділігі мен жағымдылығына сүйене отырып, қажет болса, оның дозасын 50 мг дейін және 100 мг дейін сатылы арттыруға болады.

Бауыр функциясының бұзылуы бар пациенттер

Бауыр функциясының бұзылуы (мысалы, цирроз) бар пациенттерде силденафил клиренсінің төмендеуіне байланысты препаратты 25 мг дозада қолдану мүмкіндігін қарастыру керек. Препараттың тиімділігі мен жағымдылығына сүйене отырып, қажет болса, оның дозасын 50 мг дейін және 100 мг дейін сатылы арттыруға болады.

Балалар

Силденафил балаларда (< 18 жас) қолдануға көрсетілмеген.

Басқа дәрілік заттарды қабылдап жүрген пациенттерде қолдану

Силденафилмен бір мезгілде қабылдау ұсынылмайтын ритонавирді қоспағанда (4.4 бөлімін қараңыз), CYP3A4 тежегіштерімен қатарлас ем алып жүрген пациенттерде препаратты 25 мг бастапқы дозада қолдану мүмкіндігін қарастыру керек (4.5 бөлімін қараңыз).

Альфа-адреноблокаторлармен емдеуден өтіп жүрген пациенттерде постуральді артериялық гипотензияның даму қаупін төмендету мақсатында силденафилмен емдеуді бастамас бұрын альфа-адреноблокаторлар қабылдап жүрген пациенттердің жай-күйін тұрақтандыру керек. Бұдан бөлек, силденафилді 25 мг дозадан бастап қолдану мүмкіндігін қарастыру керек (4.4 және 4.5 бөлімдерін қараңыз).

Қолдану тәсілі

Пероральді қолдану үшін.

Таблетканы бір стақан сумен іше отырып, тұтастай жұту қажет.

4.3Қолдануға болмайтын жағдайлар

• силденафилге немесе 6.1 бөлімінде тізбеленген қосымша заттардың кез келгеніне аса жоғары сезімталдық
• азот тотығының донаторлары (амилнитрит) немесе кез келген түрдегі нитраттар болып табылатын препараттарды бір мезгілде қабылдау
• гуанилатциклаза стимуляторларымен (риоцигуат) бір мезгілде қабылдау (4.5 бөлімін қараңыз)
• бауырдың ауыр жеткіліксіздігі
• көз торқабығының тұқым қуалайтын дегенерациялық аурулары (мысалы, тұқым қуалайтын пигментті ретинит (осы пациенттердің шағын санында торқабық фосфодиэстеразасы функциясының тұқым қуалайтын аурулары бар))
• көру жүйкесінің алдыңғы артериитті емес ишемиялық нейропатиясы (КЖААИН) салдарынан, бұл көрініс осының алдында ФДЭ-5 тежегішін қолданумен байланысты болған-болмағанына қарамастан, бір көздің көрмей қалуы (4.4 бөлімін қараңыз)
• артериялық гипотензия (АҚ < 90/50 мм сын. бағ.)
• ауыр жүрек-қантамыр аурулары (мысалы, жүректің ауыр жеткіліксіздігі, тұрақсыз стенокардия)
• соңғы 6 айда өткерілген миокард инфарктісі
• соңғы 6 айда өткерілген инсульт

Тіркелген көрсетілім бойынша препарат балалар мен 18 жасқа дейінгі жасөспірімдерге және әйелдерге арналмаған.

4.4.Айрықша нұсқаулар және қолдану кезіндегісақтандыру шаралары

Эректильді дисфункцияны диагностикалау және оның болжанатын алғашқы себептерін анықтау үшін фармакологиялық емдеу мүмкіндіктерін қарастыруға дейін ауру тарихын зерттеу және медициналық қарап тексеру өткізу керек.

Жүрек-қантамыр ауруларының қауіп факторлары

Эректильді дисфункцияны емдеуді бастар алдында емдеуші дәрігер өз пациенттерінің жүрек-қантамыр статусын бағалау керек, өйткені сексуалдық белсенділікпен байланысты жүрек асқынуларының белгілі бір қауіп дәрежесі бар. Силденафил артериялық қысымның мардымсыз немесе уақытша төмендеуіне әкеліп, тамыр кеңейтетін қасиеттер иеленеді (5.1 бөлімін қараңыз).

Силденафилді тағайындау алдында дәрігерлер белгілі бір негізгі аурулары бар пациенттердің жай-күйіне, әсіресе, олар сексуалдық белсенділікпен біріккенде осы препараттың тамыр кеңейтетін әсерінің қолайсыз зардаптарының ықтималдығын мұқият тексеру керек. Тамыр кеңейтетін дәрілерге жоғары сезімталдық тобына сол жақ қарыншадан шығу бөлігінің тарылуы (мысалы, қолқа клапанының стенозы, гипертрофиялық обструкциялық кардиомиопатия) бар пациенттер, сондай-ақ артериялық қысымды автономды бақылаудың ауыр бұзылу дәрежесі түрінде көрініс берген көптеген жүйелі атрофияның сирек синдромы бар пациенттер жатады.

Эрекция бұзылуын емдеуге арналған басқа дәрілермен бірге қолдану

Басқа ФДЭ5 тежегіштерімен немесе өкпедегі артериялық гипертензияны емдеуге арналған құрамында силденафил бар басқа препараттармен (мысалы, Ревацио) немесе эрекцияның бұзылуын емдеуге арналған басқа дәрілермен бірге Максигра препаратының қауіпсіздігі мен тиімділігі зерттелмеген, сондықтан осындай біріктірілімдерді қолдануға кеңес берілмейді.

Қан ұюына әсері

Адам тромбоциттері пайдаланылатын in vitro зерттеулері натрий нитропруссидінің агрегацияға қарсы әсерін силденафилдің күшейтетінін айғақтайды. Қан ұюының бұзылулары немесе белсенді пептидті ойық жарасы бар пациенттерде силденафил қолданудың қауіпсіздігі жөнінде мәліметтер жоқ, сондықтан силденафилді пайда/қауіп арақатынасын мұқият бағалаудан кейін ғана қолдану керек.

Әйелдерде қолдану

Силденафил әйелдерде қолдануға арналмаған.

Натрий

Аталған препараттағы натрий мөлшері бір таблеткасына 1 ммоль мөлшерінен аз (23 мг) құрайды, яғни ол іс жүзінде «натрийсіз» болып табылады.

4.5 Басқа дәрілік препараттармен өзара әрекеттесуі және өзара әрекеттесудің басқа түрлері

Басқа дәрілік заттардың силденафилге әсері

In vitro зерттеулері

Силденафил метаболизмі, ең алдымен, Р450 цитохромының CYP 3А4 (негізгі жол) және CYP 2С9 (маңызы аз жол) изотүрлерінің ықпал етуімен жүреді. Демек, осы изоферменттердің тежегіштері силденафил клиренсін азайтуы мүмкін, ал олардың индукторлары силденафил клиренсін арттыруы мүмкін.

In vivo зерттеулері

Силденафилді CYP3A4 тежегіштерімен (кетоконазол, эритромицин және циметидин сияқты) бір мезгілде қабылдағанда силденафил клиренсінің төмендеуі байқалады. Алайда, жағымсыз реакциялар жиілігі осы пациенттерде көбеймеген. Егер силденафилмен ем CYP3A4 тежегіштерін қолдану аясында жүргізілген жағдайда силденафилдің бастапқы дозасын 25 мг дейін төмендету керек.

Силденафилдің басқа дәрілік заттарға әсері

In vitro зерттеулері

Силденафил Р450 цитохромы изоферменттерінің әлсіз тежегіші болып табылады: 1А2, 2С9, 2С19, 2D6, 2Е1 және 3А4 (ИК50 >150 мкмоль). Силденафилді ұсынылған дозаларда қолдану кезінде оның плазмадағы ең жоғары концентрациясы 1 мкмоль мөлшеріне жуық, сондықтан силденафилдің осы изоферменттер субстраттарының клиренсіне ықпал ету ықтималдығы аз.

Силденафилдің теофиллин немесе дипиридамол сияқты фосфодиэстеразаның спецификалық емес тежегіштерімен өзара әрекеттесу деректері жоқ.

In vivo зерттеулері

Силденафилдің NO/цГМФ дабыл жолына белгілі әсеріне сәйкес, силденафил нитраттардың гипотензиялық әсерінің күшеюіне, ал атап айтқанда, артериялық қысымның едәуір төмендеуіне әкеледі. Сондықтан оны азот тотығының донаторларымен (амилнитрит) немесе кез келген түрдегі нитраттармен бір мезгілде қолдану қарсы көрсетілімді (4.3 бөлімін қараңыз).

Риоцигуат: Клиникаға дейінгі зерттеулерде риоцигуат ФДЭ-5 тежегіштерінің гипотензиялық әсерін күшейтті. Клиникалық сынақтар барысында оларды риоцигуатпен біріктірілімде тағайындағанда ФДЭ-5 тежегіштерінің гипотензиялық әсерінің күшеюі көрсетілді. Зерттелген қауымда аталған препараттар біріктірілімін пайдаланғанда қандай да бір оң клиникалық әсері анықталмады. Риоцигуатты ФДЭ-5 тежегіштерімен, оның ішінде силденафилмен бір мезгілде қолдану қарсы көрсетілімді (4.3 бөлімін қараңыз).

Альфа-адреноблокаторлармен ем қабылдап жүрген пациенттерде силденафилді бір мезгілде қолдану кейбір сезімтал пациенттерде симптоматикалық артериялық гипотензия туындауына әкелуі мүмкін. Ең көп ықтималдысы, бұл силденафилді қабылдаудан кейін 4 сағат ішінде туындауы мүмкін (4.2 және 4.4 бөлімдерін қараңыз).

Дәрілік препараттардың өзара әрекеттесуіне арнайы жүргізілген үш зерттеу барысында қуық асты безінің қатерсіз гиперплазиясы (ҚБҚГ) бар пациенттерде альфа-адреноблокатор, доксазозин (4 мг және 8 мг дозада) және силденафил (25 мг, 50 мг немесе 100 мг дозада) бір мезгілде қолданылды, ауру ағымы доксазозинмен емдеу көмегімен тұрақтандырылды. Пациенттердің осы зерттелген топтарында шалқадан жатқан қалыпта артериялық қысымның 7/7 мм сын. бағ., 9/5 мм сын. бағ. және 8/4 мм сын. бағ. орташа қосымша төмендеуі, ал, тиісінше, тік тұрған күйде артериялық қысымның 6/6 мм сын. бағ.,11/4 мм сын. бағ. және 4/5 мм сын. бағ. орташа қосымша төмендеуі байқалды. Доксазозинмен ем көмегімен тұрақтандырылған пациенттерде силденафил мен доксазозинді бір мезгілде қолданғанда пациенттерде симптоматикалық постуральді артериялық гипотензия пайда болған сирек жағдайлар мәлімделді. Осы хабарламаларда бас айналу және естен тану алдындағы жағдайлар да қамтылды, бірақ естен тану қамтылмады.

Силденафилді (50 мг дозада) екеуі де CYP2C9 арқылы метаболизденетін толбутамидпен (250 мг дозада) немесе варфаринмен (40 мг дозада) бір мезгілде қолданғанда елеулі өзара әрекеттесулері анықталмады.

Силденафил (50 мг дозада) ацетилсалицил қышқылын (150 мг дозада) қабылдаудан болған қан кету уақытының ұзаруына ықпал етпейді.

Силденафил (50 мг дозада) қандағы алкогольдің 80 мг/дл ең жоғарыорташа деңгейлерінде дені сау еріктілерде алкогольдің гипотензиялық әсерінің күшеюіне ықпал етпейді.

Гипертензияға қарсы дәрілік препараттардың келесі кластарын: диуретиктер, бета-блокаторлар, АӨФ тежегіштері, ангиотензин II антагонистері, гипертензияға қарсы дәрілік заттар (тамыр кеңейтетін және орталық әсер ететін), адренергиялық нейроблокаторлар, кальций өзекшелерінің блокаторлары және альфа-адренорецепторлар блокаторларын біріктіру силденафил қабылдап жүрген пациенттерде, плацебо алатын пациенттермен салыстырғанда, жағымсыз әсерлер бейінінің айырмашылықтары анықталмады. Силденафил (100 мг дозада) амлодипинмен бір мезгілде қолданылған дәрілік заттардың өзара әрекеттесуіне жүргізілген арнайы зерттеулер барысында артериялық гипертензия бар пациенттерде шалқадан жатқан қалыпта систолалық артериялық қысымның қосымша төмендеуі 8 мм сын. бағ. құрады. Шалқадан жатқан қалыптағы диастолалық артериялық қысымның тиісінше қосымша төмендеуі 7 мм сын. бағ. құрады. Артериялық қысымның осы қосымша төмендеулері дені сау еріктілерде силденафилді монотерапия ретінде пайдаланғанда байқалған шамасына ұқсас болды (5.1 бөлімін қараңыз).

Силденафил тепе-тең күйде (100 мг дозада) екеуі де CYP3A4 субстраттары болып табылатын АИТВ протеаза тежегіштері – саквинавир мен ритонавир фармакокинетикасына ықпал етпейді.

Бозентанмен силденафилді тепе-тең күйде (тәулігіне үш рет 80 мг) бір мезгілде қолданғанда ер жынысты дені сау еріктілерде, тиісінше, бозентан (тәулігіне екі рет 125 мг) AUC және C_max 49,8% және 42% жоғарылауын тудырады.

Артериялық гипертензия бар пациенттерде орныққан жағдайда силденафилдің бір реттік дозасын сакубитрил/валсартанға қосу, тек сакубитрил/валсартанды енгізумен салыстырғанда, артериялық қысымның едәуір көп төмендеуімен байланысты болды. Сондықтан сакубитрил/валсартан қабылдап жүрген пациенттерде силденафил қабылдау басталғанда сақ болу керек.

4.6 Фертильділік, жүктілік және лактация

Жүктілік және лактация

Максигра препараты әйелдерде қолдануға қарсы көрсетілімді.

Жүкті және бала емізетін әйелдерге силденафилді қолданудың талапқа сай және қатаң бақыланатын зерттеулері жүргізілмеген.

Егеуқұйрықтар мен үй қояндарына жүргізілген тұқым өрбіту қабілетінің зерттеулерінде

силденафилді пероральді енгізуден кейін елеулі жағымсыз әсерлері анықталмады.

Фертильділік

Силденафилді 100 мг дозада бір рет пероральді қабылдаудан кейін препараттың сперматозоидтар қозғалғыштығына немесе олардың морфологиясына ықпалы анықталмады.

4.7 Көлік құралдарын және қауіптілігі зор механизмдерді басқару қабілетіне

әсері

Силденафил автокөлік құралдарын басқару немесе механизмдермен жұмыс істеу қабілетіне мардымсыз әсер етуі мүмкін.

Автокөлік құралдарын басқару немесе механизмдермен жұмыс істеу алдында пациенттерге, бас айналу және көру қабілетінің нашарлауы сияқты препараттың жағымсыз әсерлеріне байланысты, олардың организмінің Максигра препаратын қабылдауға қалай жауап беретінін түсіндіру керек.

4.8 Жағымсыз реакциялар

Қауіпсіздік бейін түйіндемесі

Силденафилдің қауіпсіздік бейіні 9570 пациенттің қатысуымен салыстырмалы жасырын плацебо-бақыланатын74клиникалық зерттеудеректеріне негізделеді. Силденафил қолданылған клиникалық зерттеулерде силденафилдіңең көп жиі кездескен жағымсыз реакциялары бас ауыру, қан кернеу, диспепсия, мұрын бітелуі, бас айналу, жүрек айну, ысынып кету, көру бұзылулары, цианопсия және көрудің бұлыңғырлануы болды.

Жағымсыз реакциялар туралы деректер 10 жылдан астам талдау жасалған кезең ішінде силденафилді қолдану қауіпсіздігін тіркеуден кейін қадағалау барысында жиналды. Жағымсыз реакциялардың бәрі туралы бірдей хабарланбағандықтан және бүкіл мәліметтер қауіпсіздік жөніндегі дерекқорға түгел қосылмағандықтан аталған реакциялардың кездесу жиілігін есептеу мүмкін болмайды.

Жағымсыз реакциялар түйіндемесі

Силденафиллі қолдану кезінде жағымсыз реакциялар тіркелді, олар көрініс беру жиілігіне қарай келесі үлгіде жіктелді: өте жиі (≥1/10), жиі (≥1/100, бірақ 1/10 дейін), жиі емес (≥1/1000, бірақ <1/100), сирек (≥1/10000, бірақ <1/1000), өте сирек (<1/10 000), жиілігі белгісіз (қолда бар деректер негізінде бағалау мүмкін емес). Әр топ шеңберінде кездесу жиілігі бойынша жағымсыз реакциялар олардың ауырлығының кему ретімен берілген.

Инфекциялық және паразиттік аурулар

Жиі емес: ринит

Иммундық жүйе тарапынан бұзылулар

Жиі емес: аса жоғары сезімталдық

Жүйке жүйесі тарапынан бұзылулар

Өте жиі: бас ауыру

Жиі: бас айналу

Жиі емес: ұйқышылдық, гипестезия

Сирек: ми қан айналымының жедел бұзылуы, транзиторлы ишемиялық шабуыл, құрысу ұстамасы^*, құрысу ұстамаларының қайталануы^*, естен тану

Көру мүшесі тарапынан бұзылулар

Жиі: түрлі түстердің бұрмаланып көрінуі (хлоропсия, хроматопсия, цианопсия, эритропсия, ксантопсия), көру бұзылысы, анық көрмеу

Жиі емес: көз жасының ағуымен байланысты бұзылулар (көздің құрғап кетуі, көз жасы безі функциясының бұзылуы, көз жасының көп ағуы), көздің ауыруы, фотофобия, фотопсия, көз тамырларының гиперемиясы, айқын көру қабілеті, конъюнктивит

Сирек: көру жүйесінің алдыңғы артериитті емес ишемиялық нейропатиясы^*,торқабық тамырларының окклюзиясы^*, торқабыққа қан құйылу, артериосклерозды ретинопатия, торқабық ауруы, глаукома, көру өрісінің ақауы, диплопия, көру өткірлігінің төмендеуі, миопия, астенопия, шыны тәрізді дене бетінің жүзінді бұлыңғырлануы, нұрлы қабық ауруы, мидриаз, көру өрісінде нұрлы шеңберлер болуы, көздің ісінуі, көздің ісіп кетуі, көру бұзылысы, конъюнктивалық гиперемия, көздің тітіркенуі, көздегі әдеттен тыс түйсік, қабақ ісінуі, ақ қабық түсінің өзгеруі

Есту мүшесі және тепе-теңдік тарапынан бұзылулар

Жиі емес: кеңістікте бағдардан жаңылу (вертиго), құлақтағы шуыл

Сирек: кереңдік

Жүрек тарапынан бұзылулар

Жиі емес: тахикардия, жүрек соғуын сезіну

Сирек: жүректен болатын кенет өлім^*, миокард инфарктісі, қарыншалық аритмия^*, жүрекшелер фибрилляциясы, тұрақсыз стенокардия

Тамырлар тарапынан бұзылулар

Жиі: гиперемия, қан кернеу

Жиі емес: артериялық гипертензия, артериялық гипотензия

Тыныс алу жүйесі, кеуде қуысы және көкірек ортасы ағзалары тарапынан бұзылулар

Жиі: мұрын бітелуі

Жиі емес: мұрыннан қан кету, мұрынның қосалқы қойнауларының бітелуі

Сирек: тамақтағы қысылу сезімі, мұрын ісінуі, мұрын шырышты қабығының құрғауы

Асқазан-ішек жолы тарапынан бұзылулар

Жиі: диспепсия, жүрек айну

Жиі емес: іштің жоғарғы бөлігінің ауыруы, гастроэзофагеальді рефлюкс ауруы, құсу, ауыз кеберсуі

Сирек: ауыз ішіндегі гипестезия

Тері және тері асты тіндері тарапынан бұзылулар

Жиі емес: бөртпе

Сирек: Стивенс-Джонсон синдромы^*, уытты эпидермалық некролиз^*

Қаңқа-бұлшықет және дәнекер тін тарапынан бұзылулар

Жиі емес: миалгия, аяқ-қол ауыруы

Бүйрек және несеп шығару жолдары тарапынан бұзылулар

Жиі емес: гематурия

Жыныс мүшелері және сүт безі тарапынан бұзылулар

Сирек: пенистен қан кету, приапизм^*, гематоспермия, эрекция күшеюі

Жалпы бұзылыстар және енгізген жердегі бұзылулар

Жиі емес: кеуде қуысының ауыруы, қатты қалжырау, ысыну сезімі

Сирек: тітіркенгіштік

Зертханалық және құралмен тексеру деректері

Жиі емес: жүректің жиырылу жиілігінің артуы

^* Тіркеуден кейінгі қадағалау кезінде ғана тіркелген жағымсыз реакциялар

Күмәнді жағымсыз реакциялар туралы хабарлау

Дәрілік препараттың «пайда – қауіп» арақатынасына үздіксіз мониторинг өткізуді қамтамасыз ету мақсатында препаратты тіркеуден кейін күмән тудырған жағымсыз реакциялар туралы хабарлау маңызды. Медициналық қызметкерлерге Еуразиялық экономикалық одаққа мүше-мемлекеттердің жағымсыз реакциялары туралы ұлттық хабарландыру жүйесі арқылы дәрілік препараттың кез келген күмәнді жағымсыз реакциялары туралы мәлімдеуге кеңес беріледі.

Қазақстан Республикасы

Мекенжай: 010000, Астана қ., Амангелді Иманов көш., 13 үй, 4 қабат

Қазақстан Республикасы Денсаулық сақтау министрлігі Медициналық және фармацевтикалық қызметті бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК

Телефон: 8 (7172) 235-135

Электрондық пошта: farm@dari.kz

Сайт: http://www.ndda.kz

4.9 Артық дозалану

Дені сау еріктілердің қатысуымен 800 мг дейінгі дозада препаратты бір рет қабылдаумен жүргізілген зерттеулерде тіркелген жағымсыз реакциялар препараттың өте төмен дозаларын пайдалану кезде байқалғандарымен салыстырмалы болды, бірақ олардың туындау жиілігі және көрініс беру ауырлығы өте жоғары болды. Максигра препаратының жоғары дозаларын (200 мг) қабылдау препарат тиімділігінің артуына алып келмейді, ал тек жағымсыз реакциялар (бас ауыру, гиперемия, бас айналу, диспепсия, мұрын бітелуі және көру қабілетінің бұзылуы) жиілігінің артуына әкеледі.

Артық дозалану жағдайында стандартты симптоматикалық шаралар қабылдану керек. Гемодиализ силденафил клиренсін жеделдетпейді, өйткені силденафил қан плазмасы ақуыздарымен белсенді байланысады және несеппен шығарылмайды.

5. ФАРМАКОЛОГИЯЛЫҚ ҚАСИЕТТЕРІ

5.1. Фармакодинамикалық қасиеттері

Фармакотерапиялық тобы: Урологиялық препараттар. Басқа урологиялық препараттар. Эректильді дисфункция кезінде қолданылатын препараттар.Силденафил.

АТХ коды: G04BE03

Әсер ету механизмі

Силденафил - эрекция бұзылуын емдеуге арналған пероральді препарат. Табиғи жағдайларда, яғни сексуалдық стимуляция кезінде препарат жыныс мүшесіне қанның ағып келуін арттыру жолымен эректильді функцияның бұзылуын қалыпқа келтіреді.

Жыныс мүшесі эрекциясының физиологиялық механизмі сексуалдық стимуляция кезінде қуысты денеде азот тотығын (NO) босатып шығарумен жүзеге асады. Азот тотығы гуанилатциклаза ферментін белсендіреді, бұл циклдық гуанозинмонофосфат (цГМФ) деңгейінің жоғарылауына, қуысты дене тегіс бұлшықеттерінің босаңсуына және жыныс мүшесінде қан ағымының күшеюіне алып келеді.

Силденафил цГМФ-спецификалық 5 типті фосфодиэстеразаның (ФДЭ5)қуатты және селективті тежегіші болып табылады, ол қуысты денеде цГМФ ыдырауына жауапты. Силденафил эрекцияға шеткері әсерін көрсетеді. Силденафил қуысты денеге тікелей босаңсыту әсерін көрсетпейді, бірақ осы тінге NO босаңсыту әсерін белсенді күшейтеді. Сексуалдық қозу кезінде байқалатын NO/цГМФ жолын белсендіргенде силденафил ықпалымен ФДЭ5 бәсеңдеуі қуысты денеде цГМФ деңгейінің артуына алып келеді. Осыған байланысты, силденафилдің жайлы фармакологиялық әсерінің көрініс беруі үшін сексуалдық стимуляция қажет.

Фармакодинамикалық әсерлері

Іn vitro зерттеулері силденафилдің эрекция үдерісіне қатысатын ФДЭ5-ке таңдамалы әсер ететінін айғақтайды. Силденафилдің ФДЭ5-ке әсері фосфодиэстеразаның кез келген басқа белгілі изотүрлеріне әсерінен әлдеқайда күштірек. Оның ФДЭ5-ке селективтілігі көз торқабығындағы фототрансдукция механизміне қатысатын ФДЭ6-дағы осындайынан 10 есе асып түседі. Ең жоғары ұсынылатын дозасында силденафилдің ФДЭ5-ке селективтілігі ФДЭ1-ге селективтілігінен 80 еседен көп, ал ФДЭ 2, 3, 4, 7, 8, 9, 10, 11 тараптарына 700 еседен артық асып кетеді. Атап айтқанда, силденафилдің ФДЭ5-ке селективтілігі оның миокард жиырылуын реттеуге қатысатын ФДЭ3 – цАМФ-спецификалық фосфодиэстеразасына селективтілігінен 4 000 еседен астам артық болады.

Клиникалық тиімділігі және қауіпсіздігі

Екі клиникалық зерттеу сексуалдық стимуляцияға жауап ретінде эрекцияның пайда болуына қажетті силденафилді қабылдаудан кейінгі уақыт аралығын белгілеу үшін арнайы жасақталды. Силденафилді аш қарынға қабылдаған пациенттерде жыныс мүшесіне (RigiScan аспабында) жасалған плетизмография деректері бойынша серіппелігі 60% (жыныс қатынасын жасауға жеткілікті) эрекцияның препаратты қабылдаудан кейін, орта есеппен, 25 минут (12-37 минут) өткен соң тіркелгені анықталды. RigiScan аспабы пайдаланылған басқа зерттеуде силденафил әсері препаратты қабылдаудан кейін 4-5 сағат ішіндегі сексуалдық стимуляцияға жауап ретінде эрекцияның пайда болуына ықпал ете алады.

Силденафил артериялық қысымның аздаған өтпелі төмендеуін тудырады, ол көпшілік жағдайларда гипотензияның клиникалық симптомдарының пайда болуымен қатар жүрмейді. Препаратты 100 мг дозада ішке қолданғанда жатқан қалыптағы систолалық артериялық қысымның барынша төмендеуі, орта есеппен, 8,4 мм сын. бағ. құрады. Жатқан қалыптағы диастолалық артериялық қысымның барынша төмендеуі 5,5 мм сын. бағ. құрады. Артериялық қысымның төмендеуі тамырлардың тегіс бұлшықеттерінде цГМФ деңгейінің жоғарылауы есебінен болуы мүмкін силденафилдің вазодилатациялау әсерімен түсіндіріледі. Силденафилді 100 мг дейінгі дозаларда бір рет ішке қабылдау дені сау еріктілерде ЭКГ клиникалық мәнді өзгерістеріне әкелмеді.

Жүректің ауыр ишемиялық ауруы (ЖИА) бар (кем дегенде, бір коронарлық артерия стенозы 70%-дан астам) 14 пациентте бір реттік 100 мг дозада пероральді қабылданған силденафилдің гемодинамикалық әсерінің зерттеуінде тыныштық күйіндегі систолалық және диастолалық АҚ, бастапқы көрсеткіштермен салыстырғанда, тиісінше, орта есеппен, 7% және 6% азайды. Өкпе артериясындағы систолалық қысым, орта есеппен, 9% төмендеді. Силденафил жүрек лықсуына ықпал етпеді және стеноздалған коронарлық артериялардағы қан ағымын бұзбады.

Жүрек қыспасына қарсы препараттар (нитраттардан басқа) қабылдаған эректильді дисфункция мен тұрақты стенокардия бар 144 пациенттің қатысуымен салыстырмалы жасырын плацебо-бақыланатын зерттеуде физикалық жүктеме көтерімділігі бағаланды. Зерттеу нәтижелері бойынша физикалық жүктемемен тест өткізгенде стенокардия ұстамасының туындау уақытына қарай силденафил мен плацебо арасында клиникалық мәнді айырмашылықтар анықталмады.

Кейбір пациенттерде силденафилді 100 мг дозада қабылдаудан кейін 1 сағаттан соң Фарнсворт-Мунсель 100 тестісінің көмегімен түс реңдерін (көк/жасыл) ажырату қабілетінің жеңіл және өткінші бұзылуы анықталды. Препаратты қабылдаудан кейін 2 сағаттан соң бұл өзгерістер болмады.

Түсті тану қабілетінің бұзылуын көз торқабығындағы фототрансдукция үдерісіне қатысатын ФДЭ6 тежелісі туындатады деп саналады. Силденафил көру өткірлігіне немесе контрастылықты қабылдауға ықпалын тигізбеді.

Жас ұлғаюымен макулярлық дегенерациясы диагностикаланған пациенттерге (n = 9) жүргізілген шағын плацебо-бақыланатын айқаспалы зерттеуде силденафил 100 мг бір реттік дозада арнаулы көріністік тестілер (көру өткірлігі, Амслер торы, түсті тану, бағдаршам түстерін ажырату тестісі, Хэмфри периметрі және фотостресс) бойынша бағаланған көру қабілетінің ешқандай клиникалық мәнді өзгерістерін тудырмады.

Дені сау еріктілердің қатысуымен зерттеулерде 100 мг силденафилді бір рет пероральді қабылдаудың сперматозоидтар қозғалғыштығына және морфологиясына ықпалын тигізбейтіні анықталды (4.6 бөлімін қараңыз).

5.2. Фармакокинетикалық қасиеттері

Сіңірілуі

Силденафил тез сіңеді. Препарат плазмадағы ең жоғары концентрациясына оны аш қарынға ішке қабылдаудан кейін 30-120 минут (орта есеппен, 60 мин) ішінде жетеді. Ішке қабылдау кезіндегі абсолютті биожетімділігі, орта есеппен, 41% (25-63%) құрайды. Силденафилді ұсынылатын дозалар диапазонында (25-100 мг) ішке қабылдағанда AUC және C_max параметрлері дозаның арттырылуына пропорционал артады.

Силденафилді ас ішумен бірге қабылдағанда сіңу жылдамдығы төмендейді; Т_max 60 минут ұзарады, ал C_max орта есеппен 29% төмендейді.

Таралуы

Силденафилдің таралу көлемі (V_d) тепе-тең күйде, орта есеппен, 105 л құрайды, бұл оның тіндерде таралатынын көрсетеді. Препаратты 100 мг дозада бір рет қабылдаудан кейін силденафилдің қан плазмасындағы ең жоғары жалпы концентрациясы, орта есеппен, 440 нг/мл құрайды (CV 40%). Силденафил (және оның негізгі айналымдағы N-десметилді метаболиті) плазма ақуыздарымен 96% байланысады, силденафилдің бос фракциясының ең жоғары концентрациясы 18 нг/мл (38 нМ) құрайды. Ақуыздармен байланысуы препараттың жалпы концентрациясына байланысты емес.

Силденафил (100 мг дозада бір рет) қабылдаған дені сау еріктілерде қабылдаудан кейін 90 минуттан соң шәуһеттен 0,0002%-дан аз (орта есеппен 188 нг) доза табылды.

Биотрансформациясы

Силденафил, ең алдымен, бауырдың микросомалық ферменттерінің CYP3A4 (негізгі жол) және CYP2C9 (қосымша жол) изотүрлерінің әсер етуімен метаболизденеді. Негізгі айналымдағы метаболит силденафилдің N-десметилденуі нәтижесінде түзіледі. ФДЭ тарапына әсер ету селективтілігі бойынша метаболит силденафилмен салыстырмалы, ал оның ФДЭ5 қатысты белсенділігі препараттың төл белсенділігінің 50% шамасын құрайды. Плазмадағы метаболит концентрациялары силденафилдегі осынысының 40% шамасын құрайды. N-десметилді метаболиті әріқарай метаболизмге ұшырайды; оның терминалдық жартылай шығарылу кезеңі 4 сағатқа жуық созылады.

Элиминациясы

Силденафилдің организмнен жалпы клиренсі 41 л/сағатқа тең, ал терминалдық жартылай шығарылу кезеңі 3-5 сағат. Ішке қабылдаудан немесе вена ішіне енгізуден кейін силденафил негізінен метаболиттер түрінде нәжіспен (қабылданған пероральді дозадан шамамен 80%) және аз дәрежеде несеппен (қабылданған пероральді дозадан шамамен 13%) шығарылады.

Фармакокинетикалық-фармакодинамикалық тәуелділігі

Егде жастағы тұлғалар

Дені сау егде жастағы еріктілерде (65 жастағы және одан асқан) силденафил клиренсі төмендеген, бұл препараттың (силденафил және оның белсенді N-десметилді метаболиті) қан плазмасындағы концентрациясының, жасырақ дені сау еріктілердегісімен (18-45 жас) салыстырғанда, шамамен 90% жоғарылауына алып келеді. Алайда, қан плазмасындағы ақуыздармен байланысуының жас шамасына қарай ерекшеліктеріне байланысты, силденафилдің бос фракциясының қорытынды концентрациясы шамамен 40% ұлғаяды.

Бүйрек жеткіліксіздігі

Бүйрек жеткіліксіздігі жеңіл және орташа (креатинин клиренсі 30-80 мл/мин) дені сау еріктілерде 50 мг дозада бір рет ішке қабылдаудан кейін силденафил фармакокинетикасы өзгермеген. N-десметилді метаболитінің орташа AUC және C_max мәндері, бүйрек жеткіліксіздігі жоқ жасы шамалас дені сау еріктілермен салыстырғанда, тиісінше, 126% және 73% артты. Алайда, еріктілер арасындағы көрсеткіштердің көп өзгергіштігіне байланысты, осы өзгешеліктер статистикалық тұрғыда нақты болмады. Бүйрек жеткіліксіздігі ауыр (креатинин клиренсі < 30 мл/мин) дені сау еріктілерде силденафил клиренсі төмендеген, бұл бүйрек жеткіліксіздігі жоқ жасы шамалас дені еріктілердегі тиісті көрсеткіштермен салыстырғанда, AUC және C_max мәндерінің, тиісінше, 100% және 80% артуына алып келді. Бұдан бөлек, N-десметилді метаболитінің AUC және C_max мәндері, тиісінше, 79% және 200% статистикалық мәнді артты.

Бауыр жеткіліксіздігі

Бауыр функциясының жеңіл және орташа бұзылуларымен (Чайлд-Пью шкаласы бойынша А және В кластары) бауыр циррозы бар еріктілерде силденафил клиренсі төмендеген, бұл бауыр жеткіліксіздігі жоқ жасы шамалас еріктілердегісімен салыстырғанда, AUC (84%) және C_max (47%) артуына алып келді. Бауыр жеткіліксіздігі ауыр пациенттерде силденафил фармакокинетикасы зерттелмеген.

5.3. Клиникаға дейінгі қауіпсіздік деректері

Клиникаға дейінгі зерттеулер деректері бойынша қауіпсіздігіне, қайталама дозалар уыттылығына, гендік уыттылығына, канцерогенділігіне, ұрпақ өрбіту қабілетіне уыттылығына және өсу мен дамуға уытты ықпал етуіне жүргізілген стандартты фармакологиялық зерттеулер негізінде адам денсаулығына ықтималды қатері анықталмаған.

6. ФАРМАЦЕВТИКАЛЫҚҚАСИЕТТЕРІ

6.1. Қосымша заттар тізбесі

Маннитол

Кросповидон (А типі)

Повидон (К30)

Коллоидт кремнийдің қостотығы

Жүгері крахмалы

Магний стеараты

Натрий лаурилсульфаты

Қабық құрамы:

Гипромеллоза (15 mPas)

Макрогол 6000

Титанның қостотығы(Е171)

Тальк

Индигокармин (Е132)

6.2. Үйлесімсіздігі

Қатысты емес.

6.3. Жарамдылық мерзімі (сақтау мерзімі)

4 жыл

Жарамдылық мерзімі өткеннен кейін қолдануға болмайды.

6.4. Сақтау кезіндегі айрықша сақтандыру шаралары

Түпнұсқалық қаптамасында, 25 °С -ден аспайтын температурада сақтау керек.

6.5. Шығарылу түрі және қаптамасы

1 немесе 4 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

1, 2, 3 немесе 4 пішінді қаптамадан қазақ және орыс тілдеріндегі қосымша парақпен бірге картон қорапшаға салынады.

6.6. Пайдаланылған дәрілікпрепаратты немесе дәрілік препаратты қолданудан немесе онымен жұмыс істеуден кейін алынған қалдықтарды жою кезіндегі айрықша сақтандыру шаралары және препаратпен жасалатын басқа манипуляциялар

Бүкіл қалғандәрілік препаратты және қалдықтарын белгіленген тәртіпте жою керек.

6.7. Дәріханалардан босатылу шарттары

Рецепт арқылы

7. ТІРКЕУ КУӘЛІГІНІҢ ҰСТАУШЫСЫ

«Химфарм» АҚ

Қазақстан Республикасы, Шымкент қ., Рашидов көш., 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электрондық пошта: infomed@santo.kz

7.1. Тіркеу куәлігі ұстаушысының өкілі

Тұтынушылар шағымдарын мына мекенжай бойынша жолдау керек:

«Химфарм» АҚ

Қазақстан Республикасы, Шымкент қ., Рашидов көш., 81

Телефон нөмірі: +7 7252 (610150)

Автожауапбергіш нөмірі: +7 7252 (561342)

Электрондық пошта: complaints@santo.kz; phv@santo.kz

Дәріханалар

Қалалар