Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Микардис Плюс 80 мг/12,5 мг № 28 табл

3602
Қолжетімділігі
Сатылымда бар
Үлгі
9006968011011
Елі
Греция
Өндіруші
Берингер Ингельхайм Фарма
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

Саудалық атауы

Микардис® Плюс

Халықаралық патенттелмеген атауы

Жоқ

Дәрілік түрі, дозалануы

Таблеткалар, 80 мг/12,5 мг

Фармакотерапиялық тобы

Жүрек-қантамыр жүйесі. Ренин ангиотензин жүйесіне әсер ететін препараттар. Ангиотензин II антагонистері, біріктірілімдері. Диуретиктермен біріктірілген ангиотензин II антагонистері. Телмисартан және диуретиктер.

ATХ коды C09DA07

Қолданылуы

- ересектердегі эссенциальді артериялық гипертензияны емдеу үшін (монотерапия түріндегі телмисартан тиімсіз болған жағдайда)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Микардис® Плюс препаратын келесі жағдайларда қабылдамаңыз:

•телмисартанға немесе осы дәрілік препараттың басқа да ингредиенттеріне аллергия болғанда;

•гидрохлоротиазидке немесе сульфомочевинаның басқа туындыларына аллергия болғанда;

• егер сіз 3 айдан артық жүкті болсаңыз. Жүктіліктің ерте кезеңдерінде Микардис® Плюс препаратын қабылдаудан бас тарту керек;

•егер сізде холестаз немесе өт жолдарынң бітелуі (бауырдан және өт қабынан өт ағуына қатысты проблема) сияқты бауырдың күрделі проблемалары немесе бауырдың өзге де басқа күрделі ауруы болса;

•егер сізде бүйректің күрделі аурулары болса;

•егер дәрігер қандағы калий деңгейі төмен немесе кальций деңгейі жоғары деп анықтаса және бұл жағдай емдегенде жақсармаса;

•егер сізде диабет болса немесе бүйрек функциясы бұзылса және сізге құрамында алискирен бар гипотензиялық препараттармен ем тағайындалса.

Микардис® Плюс препаратын балаларға және 18 жасқа толмаған жасөспірімдерге тағайындамаған жөн.

Қолдану кезіндегі қажетті сақтандыру шаралары

Егер сіз қазіргі уақытта төмендегі аурулармен ауырып жүрсеңіз немесе бұрын соңды ауырған болсаңыз немесе солардан зардап шексеңіз Микардис® Плюс препаратын қабылдаудан бұрын дәрігермен сөйлесіңіз:

  • диуретиктермен емдегенде сусызданудан (организмнің артық су жоғалтуы) немесе организмде тұз тапшылығынан (несеп шығуын күшейтетін таблеткалармен), тұз мөлшері төмен диетадан, диареядан, құсудан немесе гемодиализден туындауы мүмкін төмен артериялық қысым (гипотензия).
  • бүйрек ауруы немесе бүйректі ауыстырып салу.
  • бүйрек артериясының стенозы (бір немесе екі бүйрекке апаратын қан тамырларының тарылуы).
  • бауыр ауруы.
  • жүрекке байланысты проблемалар.
  • диабет.
  • подагра.
  • альдостерон деңгейінің жоғарылауы (қанның тұзды құрамы бір уақытта бұзылғанда организмде су мен тұз кідіруі).
  • жүйелі қызыл жегі («қызыл жегі» немесе «ЖҚЖ» деп те аталатын), бұл ретте иммундық жүйе аурулары өз организміне шабуыл жасайды.
  • әсер етуші зат гидрохлоротиазид нашар көруге және көздің ауыруына ерекше реакция туындатуы мүмкін. Бұл көздегі қысымның жоғарылау белгілері болуы мүмкін; симптомдар Микардис® Плюс препаратын қабылдағаннан кейін бірнеше сағаттан соң дамуы мүмкін, бірақ бірнеше ай өткен соң да пайда болуы мүмкін. Ем болмаған кезде бұл жағдай тұрақты көрмей қалуға әкелуі мүмкін.
  • Егер сізде терінің қатерлі ісігі болса немесе емдеу кезінде теріңізде ерекше зақым болса. Гидрохлоротиазидпен емдеу, атап айтқанда ұзақ мерзімді және жоғары дозаларда, тері қатерлі ісігінің жекелеген түрлерін (меланома емес) дамыту қаупін арттыруы мүмкін. Микардис® Плюс қабылдау кезінде теріңізді ультракүлгін сәулелерден және күн сәулесінен қорғаңыз.

Микардис® Плюс препаратын қабылдар алдында келесі жағдайларда дәрігермен кеңесіңіз:

•егер сіз жоғарғы артериялық қысымды емдеуге арналған келесі препараттардың бірін қабылдасаңыз:

ü АӨФ тежегіші (мысалы, эналаприл, лизиноприл, рамиприл), әсіресе егер сізде диабетпен байланысты бүйрек проблемалары болса

üалискирен

Дәрігеріңіз сіздің бүйрек жұмысыңызды, артериялық қысымды және сіздің қаныңыздағы тұз мөлшерін (мысалы, калий) тексере алады және мұны жүйелі түрде жасайтын болады.

•егер Сіз дигоксин қабылдап жүрсеңіз.

Егер Сіз жүкті екеніңізді білсеңіз, бұл туралы дәрігерге айтуыңыз тиіс (немесе егер сіз жүкті болуым мүмкін деп болжасаңыз). Микардис® Плюс препараты жүктіліктің ерте кезеңінде қабылданған жөн және жүктіліктің 3 айынан кейін қабылдауға тыйым салынады, өйткені бұл кезеңде ол болашақ балаңызға күрделі зиян тигізуі мүмкін.

Гидрохлоротиазидпен емдеу организмде электролиттік теңгерімнің бұзылуын туындатуы мүмкін. Электролиттік теңгерім бұзылысының өзіне тән симптомдары ауыздың құрғауы, әлсіздік, ұйқышылдық, кереңдік, мазасыздық, бұлшықет ауыруы немесе түйілуі, жүрек айнуы, құсу, бұлшықет әлсіздігі және төтенше жоғары жүрек қағуы (минутына 100-ден астам соққы) болып табылады. Егер сізде осы симптомдардың қандай да бірі болса дәрігеріңізге хабарлаңыз.

Егер сізде күн сәулесінен терінің күюімен терінің жоғары сезімталдығы (қызару, қышыну, ісіну, көпіршіктің пайда болуы сияқты) байқалса және бұл әдеттегіден жиі орын алса дәрігерге хабарлауыңыз керек.

Егер сізге операция немесе жансыздандыру жасалайын деп жатса, дәрігерге Микардис® Плюс препаратын қабылдайтыныңызды айтыңыз.

Егер пациент негроид нәсілінен болса Микардис® Плюс препараты артериялық қысымды төмендетуде тиімділігі төмен болуы мүмкін.

Басқа дәрілікпрепараттармен өзара әрекеттесуі

Дәрігерге немесе фармацевтке қандай да бір басқа дәрілік препараттар қабылдап жүргеніңізді, аз уақыт бұрын қабылдағаныңызды немесе қабылдауыңыз мүмкін екендігін хабарлаңыз. Дәрігер бұл дәрілердің дозасын өзгерте немесе басқа да сақтық шараларын қабылдай алады. Кейбір жағдайларда сізге дәрілердің бірін қабылдауды тоқтатуға тура келеді. Әсіресе бұл Микардис® Плюс препаратымен бір уақытта қабылданатын төменде тізілген дәрілік препараттарға жатады:

  • депрессияның кейбір түрлерін емдеуге арналған құрамында литий бар препараттар;
  • басқа диуретиктер (несеп шығаруды күшейтетін таблеткалар), іш жүргізетін дәрілер (мысалы, майсана майы), кортикостероидтар (мысалы, преднизон), АКТГ (гормон), амфотерицин (зеңге қарсы препарат), карбеноксолон (ауыздағы жараларды емдеу үшін пайдаланылады), G пенициллиннің натрий тұзы (антибиотик), сондай-ақ салицил қышқылы және оның туындылары сияқты қабылдануы қандағы калийдің төмен деңгейімен (гипокалиемия) байланысты дәрілер;
  • қандағы калий деңгейін арттыруға қабілетті дәрілік заттар (мысалы, ангиотензин өзгертуші фермент (АӨФ) тежегіші, калий жинақтаушы диуретиктер, калий негізіндегі тағамдық қоспалар, калий жинақтаушы тұз алмастырғыштар, циклоспорин (иммунитетті бәсеңдетуге арналған дәрі) немесе барлық дәрілік заттар, мысалы, гепариннің натрий тұзы (антикоагулянт);
  • жүрек препараттары (мысалы, дигоксин) немесе жүрек ырғағын реттеуге арналған препараттар (хинидин, дизопрамид, амиодарон, соталол), психикалық бұзылыстарды емдеуге арналған дәрілер (тиоридазин, хлорпромазин, левомепромазин сияқты) сияқты қандағы калий деңгейінің өзгеруіне әсер ететін дәрілер және кейбір антибиотиктер (спарфлоксацин, пентамидин) немесе аллергиялық реакцияларды емдеуге арналған белгілі бір препараттар (терфенадин) сияқты басқа дәрілік заттар;
  • диабетті емдеуге арналған дәрілер (инсулиндер немесе метформин сияқты пероральді препараттар);
  • холестерамин және колестипол — қандағы май деңгейін төмендетуге арналған дәрілер;
  • норадреналин сияқты артериялық қысымның жоғарылауын тудыратын препараттар;
  • тубокурарин сияқты бұлшықет релаксанттары;
  • құрамында кальций және(немесе) D дәрумені бар қоспалар;
  • атропин және бипериден сияқты антихолинергиялық әсер ететін препараттар (АІЖ түйілуі, қуық түйілуі, демікпе, тербелу, бұлшықет түйілуі, Паркинсон ауруы сияқты әртүрлі аурулар мен жағдайларды емдеу үшін және анестезия кезіндегі қосымша дәрілер ретінде қолданылады);
  • амантадин (Паркинсон ауруына қарсы дәрі, сондай-ақ кейбір ауруларды емдеуге және профилактикасына арналған вирусқа қарсы препарат ретінде пайдаланылады);
  • жоғары артериялық қысымды емдеуде пайдаланылатын басқа препараттар, кортикостероидтар, ауыруды басатын препараттар (қабынуға қарсы стероидты емес дәрілер (ҚҚСД), обырды, подаграны немесе артритті емдеуде пайдаланылатын дәрілер;
  • егер сіз АӨФ тежегіштерін немесе алискирен пайдаланып жүрсеңіз дигоксин.

Микардис® Плюс препараты жоғары артериялық қысымды емдеу үшін пайдаланылатын басқа препараттардың немесе артериялық қысымды төмендетуге қабілетті препараттардың (баклофен, амифостин сияқты) гипотензиялық әсерін арттыруы мүмкін. Сонымен қатар, төмен артериялық қысым алкоголь, есірткі, барбитураттар немесе антидепрессанттар қабылдауға байланысты одан да күшті төмендеуі мүмкін. Бұл орыннан тұрған кезде бас айналуымен көрініс табуы мүмкін. Егер сізге Микардис® Плюс қабылдау кезінде басқа дәрілік препараттың дозасын түзету қажет болса дәрігерден кеңес алыңыз.

Микардис® Плюс препаратының әсері ҚҚСП (аспирин немесе ибупрофен сияқты қабынуға қарсы стероидты емес дәрілер) қабылдау кезінде төмендеуі мүмкін.

Арнайы сақтандырулар

Микардис® Плюс препаратын тағаммен және алкогольмен қабылдау

Микардис® Плюс препаратын тамақтануға қарамастан қабылдауға болады.

Дәрігерден кеңес алмағанша алкоголь тұтынудан аулақ болыңыз. Алкоголь сіздің қан қысымыңыздың төмендеуіне және (немесе) бас айналу немесе естен тану қаупіне көп әкелуі мүмкін.

Педиатрияда қолдану

Микардис® Плюс препаратын балалар мен 18 жасқа толмаған жасөспірімдерге тағайындамаған жөн.

Жүктілік

Сіз жүкті екеніңізді немесе жүкті болуыңыз мүмкін деп болжасаңыз дәрігерге айтуыңыз тиіс. Дәрігер сізге басқа препарат қабылдауға кеңес береді. Микардис® Плюс препаратын жүктілік кезінде қабылдамаған жөн және бірінші триместрден кейін қабылдауға тыйым салынады, өйткені ол сіздің болашақ балаңызға күрделі зиян келтіруі мүмкін.

Емшек емізу

Дәрігерге бала емізетініңізді немесе бала емізуді жоспарласаңызды айтыңыз. Микардис® Плюс препараты бала емізетін әйелерге ұсынылмайды және дәрігеріңіз емдеудің басқа тәсілін таңдай алады.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Кейбір адамдар Микардис® Плюс препаратын қабылдағанда бас айналуды сезінеді. Егер сіздің басыңыз айналса немесе шаршасаңыз, рөлге отырмаңыз және техниканы басқармаңыз.

Сүт қантының (лактоза) және сорбитолдың мөлшері.

Егер сіз қанттың кейбір түрлерін көтере алмасаңыз Микардис® Плюс препаратын қабылдаудан бұрын дәрігермен кеңесіңіз.

Қолдану жөніндегі нұсқаулар

Дозалау режимі

Бұл препаратты үнемі емдеуші дәрігердің ұсыныстарына сәйкес қабылдаңыз. Күдік туындаған кезде дәрігермен немесе фармацевтпен кеңесіңіз.

Қабылдау уақыты көрсетілген қолдану жиілігі

Ұсынылған доза — тәулігіне бір таблетка. Дәріні тәуліктің бір уақытында ғана қабылдауға тырысыңыз.

Микардис® Плюс препаратын тамақтануға қарамастан қабылдауға болады. Таблетканы тұтастай, сумен немесе алкогольдік емес сусынмен жұту керек.

Емдеу ұзақтығы

Микардис® Плюс препаратын дәрігер мұны жасауды тоқтатуды айтпағанша күнделікті қабылдаған маңызды.

Артық дозалану жағдайында қабылдануы қажеті шаралар

Егер сіз кездейсоқ тым көп таблетка қабылдап қойсаңыз, төмен артериялық қысым және жиі жүрек соғуы сияқты симптомдар болуы мүмкін. Сондай-ақ баяу жүрек соғуы, бас айналуы, құсу, бүйрек функциясының төмендеуі (бүйрек жеткіліксіздігіне дейін) байқалды. Препараттың құрамында гидрохлоротиазидтің болуына байланысты артериялық қысымның қатты түсуі және қандағы калий деңгейінің төмендеуі байқалуы мүмкін, бұл жүректің айнуына, ұйқышылдыққа және бұлшықет түйілуіне, сондай-ақ жүйесіз жүрек ырғағына (әдетте дигиталис немесе аритмияға қарсы емдеудің кейбір басқа түрлері сияқты препараттарды бір мезгілде қабылдаумен астасады) әкелуі мүмкін. Дәрігерге, фармацевтке (дәріхана қызметкеріне) қаралыңыз немесе дереу жақын жедел жәрдем бөлімшесіне барыңыз.

Дәрілік препараттың бір немесе бірнеше дозасын жіберіп алғанда қажетті шаралар

Егер сіз Микардис® Плюс препаратын қабылдауды ұмытып кетсеңіз, ештеңе етпейді. Есіңізге түсе салғанда препаратты қабылдаңыз да, әдеттегі қабылдауды жалғастырыңыз. Егер күндердің бірінде таблетка қабылдауды ұмытып кетсеңіз, келесі күнге әдеттегі дозаны қабылдай беріңіз.

Жіберіп алған дозаны ескеріп, препараттың қосарлы дозасын қабылдамаңыз.

Дәрілік препаратты қабылдаудан бұрын дәрігерге немесе фармацевтке кеңес алуға барыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Басқа барлық дәрілік заттар сияқты бұл препарат әрбір пациентте дамымауы мүмкін жағымсыз әсерлер туындатуы мүмкін.

Кейбір жағымсыз әсерлер күрделі болуы және дереу дәрігерге қаралуды талап етеді:

Егер сізде мына симптомдардың қандай да бірі болса дереу дәрігерге қаралыңыз:

Сепсис (жиі «қанға жұғуы» деп аталады) — бұл бүкіл организм тарапынан жалпы иммундық жауабы бар ауыр инфекция; егер сізде тері мен шырыш ісінуі (тамыр ісінуі деп аталатын) жылдам дамыса, теріңіз бөртіп кетсе және ол қабыршықтанса (уытты эпидермальді некролиз); бұл жағымсыз құбылыстар өте сирек (олармен 1000 адамның 1-і ұшырасады) немесе туындау жиілігі белгісіз (уытты эпидермальді некроз), бірақ олар өте ауыр және пациенттер препарат қабылдауды дереу тоқтатуы және емдеуші дәрігерге қаралуы тиіс. Егер бұл көріністерді емдемесе өліп кету ықтимал. Сепсистің жоғры жиілігі телмисартан қабылдағанда ғана кездесті, алайда мұндай әсерлі Микардис® Плюс препаратын қабылдағанда да жоққа шығаруға болмайды.

Жағымсыз құбылыстар келесі жіктемені пайдалану арқылы төменде келтірілген: жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<10000).

Микардис® Плюс препаратының ықтимал жағымсыз реакциялар

Жиі

- бас айналуы

Жиі емес

- қандағы калий деңгейінің төмендеуі, үрейлі талу, терідегі шаншу сезімі (парестезия), бас айналуы, жылдам жүрек соғуы (тахикардия), жүрек ырғағының бұзылуы, төмен артериялық қысым, тұру кезінде артериялық қысымның кенеттен төмендеуі, ентігу (ауа жетіспеушілігі), диарея, ауыздың құрғауы, метеоризм, арқаның ауруы, бұлшықет түйілуі, эректильді дисфункция (эрекцияға қол жеткізуге немесе оны ұстап тұруға қабілетсіздік), кеуденің ауыруы, қандағы несеп қышқылы деңгейінің жоғарылауы.

Сирек

- өкпенің қабынуы (бронхит), жүйелі қызыл жегі көріністерінің асқынуы немесе белсендірілуі (иммундық жүйе буындарда ауырсыну, терідегі бөртпе және қызба тудыра отырып, өз организміне шабуыл жасайтын ауру), тамақтың ауыруы, мұрын қуыстарының қабынуы, қайғыру (депрессия), ұйықтаумен байланысты қиындықтар (ұйқысыздық), көрудің нашарлауы, тыныс алудың қиындауы, іш ауыруы, іш қатуы, іш кебуі (диспепсия), жүрек айнуы (құсу), асқазанның қабынуы (гастрит), бауыр жұмысындағы ауытқулар (жапониялық пациенттер осындай жағымсыз әсерге жиі бейім), терінің қызаруы (эритема), қышу немесе бөртпе сияқты аллергиялық реакциялар, көп тер бөлінуі, көпіршіктер (есекжем), буын ауыруы (артралгия) және аяқ-қолдың ауыруы, бұлшықет түйілуі, тұмауға ұқсас аурулар, натрий деңгейінің төмендігі, креатининнің, бауыр ферменттерінің немесе қандағы креатинфосфокиназаның жоғары деңгейі.

Жекелеген компоненттердің бірін қабылдаған кезде тіркелетін жағымсыз реакциялар Микардис® Плюс препаратын қабылдаған кезде, тіпті олар осы дәріні клиникалық зерттеу барысында байқалмаса да, әлеуетті жағымсыз реакциялар болуы мүмкін.

Телмисартан

Тек телмисартан қабылдаған пациенттерде келесі қосымша жағымсыз реакциялар байқалды:

Жиі емес

- жоғарғы тыныс алу жолдарының инфекциялары (тамақтың ауыруы, мұрын қойнауларының қабынуы, әдеттегі суық тию), несеп шығару жолдарының инфекциялары, қызыл қанды денелердің жеткіліксіздігі калийдің жоғары деңгейі, жүрек ырғағының баяулауы (брадикардия), жедел бүйрек жеткіліксіздігін қоса, бүйрек жұмысының бұзылуы, әлсіздік, жөтел.

Сирек

- тромбоциттердің аз мөлшері (тромбоцитопения), кейбір ақ қан денелері санының өсуі (эозинофилия), күрделі аллергиялық реакциялар (мысалы, аса жоғары сезімталдық, анафилаксиялық реакциялар, дәрілік бөртпелер), қандағы қант деңгейінің төмендігі (диабеті бар пациенттерде), асқазанның бұзылуы, экзема (тері ауруы), артроз, сіңірдің қабынуы, гемоглобин деңгейінің төмендігі (қан ақуызы), ұйқышылдық.

Өте сирек

- өкпедегі тыртық тіндердің өршімелі түзілуі (өкпенің интерстициальді ауруы).

Бұл құбылыс кездейсоқ немесе қазіргі уақытта белгісіз механизммен байланысты болуы мүмкін.

Телмисартанды қабылдау кезінде өкпеде тыртық тіндердің өршімелі түзілуі туралы хабарламалар бар. Алайда, телмисартан мұндай жағдайдың себебі болды ма, белгісіз.

Гидрохлоротиазид

Тек гидрохлоротиазид қабылдаған пациенттерде келесі қосымша жағымсыз әсерлер байқалды:

Жиі

- жүрек айнуы, қандағы магний деңгейінің төмендігі

Сирек

- қандағы тромбоциттер санының азаюы, бұл көгерудің пайда болу немесе қан кету қаупін арттырады (теріде немесе басқа тіндерде қан кетуден кішкентай қызыл-күлгін іздер пайда болады), қандағы кальцийдің жоғары деңгейі, бас ауруы.

Өте сирек

- қандағы хлоридтердің төмен деңгейіне байланысты жоғары қан рН (қышқылдық-сілтілік теңгерімнің бұзылуы).

- сілекей безінің қабынуы, тері мен еріннің обыры (меланома емес), қандағы жасушалардың белгілі бір түрлері санының азаюы (немесе тіпті болмауы), ауыр аллергиялық реакциялар (мысалы, аса жоғары сезімталдық, анафилаксиялық реакция), тәбеттің азаюы немесе жоғалуы, мазасыздық, бас айналу сезімі, бұлыңғыр көру немесе көрінетін әлемнің сары тонға боялуы, көрудің нашарлауы және көздердің ауыруы (жедел миопияның немесе жедел жабық бұрышты глаукоманың ықтимал белгілері), қан тамырларының қабынуы (некротиздеуші) васкулит), ұйқы безінің қабынуы, асқазанның бұзылуы, тері мен көздің сарғаюы (сарғаю), жегі тәрізді синдром (иммундық жүйе өз ағзасына шабуыл жасайтын жүйелі қызыл жегіге ұқсайтын жағдай), тері тамырларының қабынуы сияқты тері аурулары, жарыққа жоғары сезімталдық, бөртпе, терінің қызаруы, ерінде, көзде немесе ауызда күлдіреуіктің пайда болуы, терінің қабыршақтануы, қызба (мультиформды эритеманың ықтимал белгілері), әлсіздік, бүйрек функциясының бұзылуы немесе бүйректің қабынуы, несептегі глюкоза (глюкозурия), қызба, электролиттік теңгерімнің бұзылуы, қандағы холестериннің жоғары деңгейі, қан көлемінің азаюы, қандағы глюкозаның жоғары деңгейі, «қант диабеті» диагнозы бар пациенттерде несептегі немесе қандағы глюкоза деңгейін бақылаудың күрделілігі немесе қандағы майдың пайда болуы.

Белгісіз

терінің меланомалық емес обыры (негі-жасушалық карцинома және жалпақ жасушалы карцинома)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

Телмисартан қабаты:

белсенді зат – телмисартан, 80 мг,

қосымша заттар: натрий гидроксиді, поливидон К 25 (повидон), меглумин, сорбитол, магний стеараты,

Гидрохлоротиазид қабаты:

белсенді зат-гидрохлоротиазид, 12,5 мг

қосымша заттар: лактоза моногидраты, микрокристалдыцеллюлоза, жүгері крахмалы, темірдің (ІІІ) қызыл тотығы (Е172), натрий крахмалы гликоляты (А типі), магний стеараты.

Сыртқы түрінің, иісінің, дәмінің сипаттамасы

Сопақша пішінді,ақ-қызыл түсті, екі беті дөңес, екі қабатты, ақ қабатында қызыл түсті дақтары болуы мүмкін, таблеткалардың ақ бетінде «Н8»және компанияның логотипі бастырылған таблеткалар.

Шығарылу түрі және қаптамасы

7 таблеткадан баспалы лакталған-күңгірт алюминий фольгадан жасалған пішінді ұяшықты қаптамаға салынған.

4 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25°C-денаспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Берингер Ингельхайм Эллас А.Е.,

5-ші км Паианиа-Маркополо, Коропи, Аттика/19400, Греция

Тел: +30 210 6684000; Факс: +30 210 6623905

www.boehringer-ingelheim.com

Тіркеу куәлігінің иесі

Берингер Ингельхайм Интернешнл ГмбХ, Германия

Бингер Штрассе 173, 55216 Ингельхайм, Германия

Тел.: +49 6132 77-0; Факс: +49 6132 72-0

www.boehringer-ingelheim.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды)қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефоны, факсы, электронды поштасы)

«Берингер Ингельхайм Фарма Геселлшафт м.б.Х.» Қазақстан Республикасында филиалы

Мекенжайы: Алматы қ., 050008, Абай даң-лы 52, «Innova Tower» БО, 7-ші қабат

Тел: + 7 (727) 250 00 77; факс: +7 (727) 244 51 77

e-mail: PV_local_Kazakhstan@boehringer-ingelheim.com

Дәріханалар

Тауар артығымен бар
Тауар аз қалды
Аптека №141
ул.Абая 117
Круглосуточно