Тауарлардың көрінісі фотосуретте көрсетілгеннен өзгеше болуы мүмкін

Ринозол форте 15 мл капли назальные

668
Қолжетімділігі
Сатылымда бар
Үлгі
4870003480200
Елі
Казахстан
Өндіруші
ЛеКос ТОО
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

РИНОЗОЛ-ФОРТЕ®

Халықаралық патенттелмеген атауы

Жоқ

Дәрілік түрі,дозасы

Мұрынға тамызатын дәрі,15 мл

Фармакотерапиялық тобы

Респираторлықжүйе. Мұрынғаарналғанпрепараттар. Жергіліктіқолдануғаарналғандеконгенстанттаржәнебасқамұрынғаарналғанпрепараттар. Кортикостероидтардықоспағанда, басқапрепараттарменбіріктірілгенсимпатомиметиктер. Нафазолин.

Код АТХ R01AB02

Қолданылуы

  • аллергиялықжәнеқабынуы бар мұрыншырыштықуысыныңісінуіназайтуғаарналған

Қолданудың басталуына дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе қосымша заттардың кез келгеніне аса жоғары сезімталдық

- созылмалы ринит

- атрофиялық ринит

- жабық бұрышты глаукома

- моноаминоксидаза тежегіштерін немесе трициклді антидепрессанттарды бір мезгілде қабылдау және оларды тоқтатудан кейін 14 күнге дейінгі кезең

- жүктілік және лактация кезеңі

- 12 жасқа дейінгі балалар

Қолдану кезінде қажетті сақтық шаралары

Мұрын деконгестанттарының жоғары дозаларын жергілікті қолдану кезінде жас балалар мен егдеадамдарда жиі кездесетін жүйелік әсерлерді тудыруы мүмкін.

Мұрын деконгестанттарын әдетте 3-5 күннен артық қолдануға болмайды.

Бұл препаратты ұзақ уақыт қолдану кезінде тамырлардың қайталама кеңеюімен бірге жүретін және мұрын қуысының шырышты қабығының қайталанатын ісінуіне әкелетін «рикошет әсерін» тудыруы мүмкін (дәрілік ринит).

Ерітіндінің ластануын болдырмау үшін, құтыны тығыз жауып сақтаңызжәне пипетка ұшының қандай да бір беткеймен жанасуынан абай болыңыз.Препаратты ұзақ уақыт қолданғанда төзімділік пайда болады. Препарат құрамында дифенгидраминнің болуына байланысты бауыр аурулары, бүйрек жеткіліксіздігі, эпилепсия, порфирия бар пациенттерге сақтықпен тағайындалады.

Феохромоцитомасы бар пациенттерге, бронх демікпесі бар пациенттерге тағайындағанда, сондай-ақ анестезияда миокардтың сезімталдығын арттыратын анестетиктерді (мысалы, галотан) қолданғанда сақтық таныту керек.

Артериялық гипертензиясы, айқын атеросклерозы, жүрек ырғағының бұзылуы, симпатомиметиктерге жоғары сезімталдығы бар пациенттерге (оның ішінде гипертиреоз, қант диабеті, жабық бұрышты глаукома, қуық асты безінің гипертрофиясы кезінде), сондай-ақ егде жастағы адамдарға сақтықпен тағайындау керек.

Бүйрек жеткіліксіздігі бар және есту қабілеті бұзылған пациенттерге ерекше сақтық таныту керек.

Басқа дәрілік препараттармен өзара әрекеттесуі

Мұрын деконгестанттары / МАО тежегіштері

Симпатомиметикалық препараттың едәуір жүйелі абсорбциясы кезінде, бір мезгілде қолдану ауыр гипертониялық кризге әкелуі мүмкін. Мұрын деконгестанттарын моноаминоксидаза тежегіштерін қабылдайтын пациенттерге немесе емдеуді тоқтатқаннан кейін 14 күн ішінде қолдануға болмайды.

Моклобенидпен, трициклді антидепрессанттармен, эрготаминмен (эрготизмнің жоғары қаупі) бір мезгілде қолданған кезде өзара әрекеттесудің туындағаны туралы хабарланды.

Арнайы сақтандырулар

Ерітіндіні ластап алмас үшін, құтыны тығыз жауып сақтаңыз және пипетканың ұшын қандай да бір беткейге тигізіп алмаңыз.

Препаратты ұзақ уақыт қолданғанда төзімділік дамиды.

Педиатрияда қолдану

Дәрілік заттың 12 жасқа дейінгі балалардағы тиімділігі мен қауіпсіздігі жөнінде деректер жоқ.

Жүктілік және лактация кезеңі

Жүктілік және лактация кезінде препаратты қолдану қауіпсіздігі анықталмаған.

Жүктілік және лактация кезінде препаратты қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобильді басқару және механизмдермен жұмыс істеу қабілетіне препарат әсер етуі мүмкін. Дифенгидрамин гидрохлоридінің құрамына байланысты РИНОЗОЛ-ФОРТЕ® ұйқышылдықты тудыруы мүмкін. Пациенттерге осы ақпаратты ескеріп, зейінділікті талап ететін ықтимал қауіпті қызмет түрлерін орындау кезінде сақ болу керек.

Сондай-ақ, балаларға велосипедпен жүру немесе көшеде ойнау сияқты іс-шаралармен айналыспау туралы ескерту керек.

Қолдану жөніндегі нұсқаулар

Дозалау режимі

Ересектер мен 12 жастағы және одан үлкенбалаларға 3-5 күн бойы әр мұрын жолына тәулігіне 3-4 рет 1-2 тамшыдан тамызады.

Емдеуші дәрігердің кеңесінсіз препаратты белгіленген мерзімнен ұзақ уақыт қолдану ұсынылмайды.

Егде жастағы науқастар және бүйрек жеткіліксіздігі бар науқастар.

Егде жастағы науқастарға және бүйрек жеткіліксіздігі бар науқастарға жүйелік әсерлерге байланысты дозаны түзету қажет.

Енгізу әдісі мен жолы

Мұрынға тамызатын дәрі.

Қолданар алдында құтыны жақсылап шайқау керек.

Тамызу үшін басты бір жаққа қарай қисайтады немесе жатады, тамшыларды екі мұрынға тамызып, басты бірнеше минут қисайтып тұру керек. Инфекцияның таралуын болдырмау үшін препаратты бір құтыдан тек бір пациентке ғана қолдану ұсынылады.

Артық дозалану жағдайында қабылдау қажет болатын шаралар

Жергілікті мұрын деконгестанттары мұрын қуысының шырышты қабығына, әсіресе шырышты қабыну жағдайында тез сіңірілуіне байланысты, олар жүйелік әсерлерді тудыруы мүмкін.Егер препарат жоғары дозаларда қолданылса және мұрын ерітіндісін жұтқан жағдайда, жүйелік әсерлер асқазан-ішек жолдарының абсорбциясынан да туындауы мүмкін. Нәрестелерде, мектеп жасына дейінгі балаларда және егде жастағы адамдарда артық дозалану құбылыстарының дамуы ықтимал.

Симптомдары: күйгелектік, тремор, тахикардия, гипертония. Сонымен қатар, жүрек айнуы, бас ауруы, бас айналуы, жүректің қағуы, дене температурасының жоғарылауы, түйілулер, респираторлық дистресс, психикалық бұзылулар, сондай-ақ ұйқышылдық, дене температурасының жоғарылауы, брадикардия, қатты терлеу сияқты орталық жүйке жүйесі (ОЖЖ) бәсеңдеу белгілері болуы мүмкін.

Артық дозаланған жағдайда, препаратты енгізуді тоқтату және симптоматикалық және қажет болған жағдайда демеуші емді бастау керек.

Дәрілік препаратты қолдану тәсілін түсіндіру үшін медицина қызметкеріне кеңесіне жүгіну бойынша ұсыныстар

Осы дәрілік препаратты қолдану бойынша қосымша сұрақтар туындаған жағдайда емдеуші дәрігерден немесе фармацевттен кеңес алған жөн.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Мұрын деконгестанттары әдетте ұсынылған дозаларда жақсы қабылданады және әдетте өтпелі болып табылады.

Енгізу орнындағы жалпы бұзылулар мен реакциялар

Мүмкін болатын жағымсыз әсерлерге мұрын қуысындағы ашыту немесе шаншу сезімі, мұрын шырышты қабығының құрғауы және түшкіру жатады.

Препаратты ұзақ уақыт қолданған кезде, мұрын қуысының шырышты қабығының ісінуін, ринореяны және құрғақ ринитті - «рикошет әсерін» тудыруы мүмкін.

Жүйелік әсерлер

Жүректің бұзылуы

- жүрек соғу жиілігінің жоғарылауы, жүрек соғысы, гипертония

Жүйке жүйесінің бұзылуы

- бас айналу, бас ауыру, ұйқысыздық, жүйкелену, тремор.

Антигистаминдік компоненттің болуына байланысты препарат ұйқышылдықты тудыруы мүмкін. Эпилепсиясы бар пациенттерде препараттың жоғары дозаларын қолдану кезінде құрысулардың дамуына ықпал етуі ықтимал. Балалар мен егде жастағы пациенттерде - ОЖЖ бәсеңдеуі, ұйқының бұзылуы болуы мүмкін.

Есту органы және лабиринт тарапынан бұзылулар

- отоуыттылық.

Сирек: есту қабілетінің бұзылуы.

Бүйрек және несеп шығару жолдарының бұзылуы

- нефроуыттылық

Тері және тері асты тіндері тарапынан бұзылулар

- бөртпе, тершеңдік

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл ерітіндінің құрамында

белсенді заттар: 1.0 мг неомицин (неомицин сульфаты түрінде),

1.0 мг дифенгидрамин гидрохлориді, 0.5 мг нафазолин гидрохлориді,

қосымша заттар:натрий хлориді, динатрий фосфатының додекагидраты, инъекцияға арналған су

Сыртқы түрінің, иісінің, дәмінің сипаттамасы

Түссіз немесе сәл сарғыш мөлдір ерітінді

Шығарылу түрі және қаптамасы

Алғашқы ашылуы бақыланатын бұрандалы қақпақтармен герметикалық тығыз жабылған полиэтилен тамшылатқыш құтыларға 15 мл препараттан құйылады. Құтыға өздігінен жабысатын қағаз қаптама жапсырылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2.5 жыл

Құтыны ашқаннан кейін препараттың сақталу мерзімі - 4 апта.

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 15 оС-ден 25 оС-гедейінгі температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«ЛеКос» ЖШС

050000, Алматы қ., Қабанбай батыр к-сі, 114-13, тел.: 308-10-67.

Электронды пошта: lecos_kz@mail.ru, www.lecos.kz

Тіркеу куәлігінің ұстаушысы

«ЛеКос» ЖШС, Қазақстан Республикасы

050000, Алматы қ., Қабанбай батыр к-сі, 114-13.

Электронды пошта: lecos_kz@mail.ru, www.lecos.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ЛеКос» ЖШС, 050000, Алматы қ., Қабанбай батыр к-сі, 114-13,

тел.: 308-10-67.

e-mail: lecos1@mail.ru; www.lecos.kz

Дәріханалар

Тауар артығымен бар
Тауар аз қалды
Аптека №141
ул.Абая 117
Круглосуточно