Симдакс конц. для приг. р-ра для инфузий 2,5мг/мл, 5 мл, фл.

Сипаттама

Дәрілік затты медициналық қолдану жөніндегі нұсқаулық

СИМДАКС

Саудалық атауы

Симдакс

Халықаралық патенттелмеген атауы

Левосимендан

Дәрілік түрі

Инфузия үшін ерітінді дайындауға арналған2,5 мг/мл 5 мл концентрат

Құрамы

1 мл концентраттың құрамында

белсенді зат - 2,5 мг левосимендан,

қосымша заттар: повидон, сусыз лимон қышқылы, сусыз этанол.

Сипаттамасы

Сарыдан, қызғылт-сарыға дейінгі қызғылт сары түсті мөлдір ерітінді.

Фармакотерапиялық тобы

Гликозидті емес кардиотонустық дәрілер.

Кардиотонустық басқа да дәрілер.

АТХ коды С01С Х08

Фармакологиялық қасиеттері

Фармакокинетикасы

0,05-0,2 мкг/кг/мин емдеу дозаларының ауқымында фармакокинетикасы дозаға байланысты сипатталады.

Левосименданның қан плазмасындағы ең жоғарғы концентрациясына (C_max) препаратты енгізгеннен кейін шамамен 2 күннен соң жетеді. Таралу көлемі (Vss) шамамен 0,2 л/кг құрайды.

Қан плазмасы ақуыздарымен 97 - 98 %-ға (басты ретте альбуминмен)байланысады. Белсенді метаболит ақуызбен байланысуы 40 %-ды құрайды.

Левосимендан іс жүзінде толығымен метаболизденеді. Алғашқы метаболизмі циклдық немесе N-ацетилденген цистеинилглициндік және цистеиндік конъюгаттарменконъюгациялану жолымен жүзеге асады. Дозаның 5%-ға жуығы аминофенилпиридазинонға дейін қалпына келу жолы арқылы жіңішке ішекте метаболизденеді, ол N-ацетилтрансфераза қатысуымен қайта сіңірілуден кейін белсенді метаболитке дейін метаболизденеді. Генетикалық тұрғыдан ацетилдеу деңгейі жоғары.

Левосимендан клиренсі шамамен 3 мл/мин/кг құрайды. Жартылай шығару кезеңі (T_1/2)шамамен 1 сағат. Іс жүзінде толығымен метаболиттер түрінде шығарылады: несеппен- 54%, нәжіспен - 44%. Өзгермеген түрінде 0.05% аздаған мөлшері несеппен шығарылады.

Метаболиттердің (T_1/2) жартылай шығарылу кезеңі шамамен 75-80 сағатты құрайды.

Белсенді метаболиттері конъюгацияланады немесе бүйрек сүзгісінен өткізіліп, көбіне несеп арқылы шығарылады.

Фармакодинамикасы

Симдакс кальций-тәуелді фазасында миокардтың С тропинімен байланыса отырып, жиырылғыштық ақуыздардың кальцийге сезімталдығын күшейтеді. Симдакс жүректің жиырылу күшін ұлғайтады, бірақ қарыншаның босаңсуына әсер етпейді. Вена және артерияға (коронарлық тамырды қоса) вазодилатациялаушы әсер етеді. Симдаксin vitro фосфодиэстераза - III селективті тежегіші болып табылады.

Оң инотропты және вазодилатациялаушы әсерлерінің арқасында,

жүрек жеткіліксіздігіндежүректің жиырылу күшін артырады және алдынғы жүктемені және кейінгі жүктемені төмендетуге әкеледі.

Симдакс коронарлық ангиопластика немесе тромболизистен кейін пациенттердің ишемияланған миокардын белсенділендіреді.

Симдакс жүрекке хирургиялық операция жасалған пациенттердің коронарлық қан айналымын ұлғайтады жәнежүрек жеткіліксіздігі бар пациенттердің миокард пифузиясын жақсартады. Бұл оң нәтижелер миокардтың оттегіні тұтынуын шамалы арттыру арқылы қол жеткізіледі. Симдакс созылмалы жүрек жеткіліксіздігі кезінде айналымдағы эндотелин-1-дің деңгейін едәуір төмендетеді.

Дозаға тәуелдіжүректің лықсуы және соққы көлемін ұлғайтып, сондай-ақ дозаға тәуелді систолалық және диастолалық қысымын, өкпе- капиллярларындағы қысымды, оң жақ жүрекшенің қысымын және шеткері қантамыр қарсыласуының төмендеуін тудырады.

Қолданылуы

- дәстүрлі емдеу нәтижесіз болғанда және инотропты қолдау көрсету қажет болған жағдайда жедел декомпенсацияланған созылмалы ауыр дәрежедегі жүрек жеткіліксіздігін қысқа мерзімде емдеу.

Қолдану тәсілі және дозалары

Емдеу дозасы мен ұзақтығы пациенттің клиникалық күйіне және емдеу нәтижесіне сәйкес жеке анықталуы тиіс.

Емдеуді 6-12 мкг/кг қанығу дозасынан бастау керек, ол кемінде 10 минут бойы енгізіледі, соңынан 0.1 мкг/кг/мин жылдамдықта үздіксіз енгізіледі. Инфузияның басындатамырды кеңейтуші және/немесе инотропты дәрілермен қосымша вена ішіне ем қабылдайтын пациенттерге қанығу дозасын 6 мкг/кг-ға дейін төмендетуге болады. Пациенттердің емдеуге деген клиникалық айқын әсеріқанығу дозасын енгізу кезінде немесе доза түзетілген сәттен бастап 30 - 60 минут ішінде бағаланады.

Егер пациенттің енгізуге деген клиникалық жауабы шектен тыс күшті деп саналса гипотензия, тахикардия,ерітінді енгізу жылдамдығын 0.05 мкг/кг/минутқа дейін төмендетуге немесе енгізуді тоқтатуға болады. Егер бастапқы доза жақсы көтеріліп, гемодинамикалық әсерін күшейту қажет болса, енгізу жылдамдығын 0.2 мкг/кг/минутқа дейін ұлғайтуға болады. Жедел қалпына келмейтін ауыр созылмалы жүрек жеткіліксіздігі жағдайында ұсынылатын енгізу ұзақтығы 24 сағатты құрайды. Препаратты енгізуді тоқтатқан соң дағдылану немесе кері әсер ету феномені байқалған жоқ. Гемодинамикалық әсерлер кемінде 24 сағат сақталып, 24 сағаттық инфузия тоқтаған соң, 9 күнге дейін байқалуы мүмкін.

Инфузия үшін 0,05 мг/мл концентрациядағыерітіндіні дайындау үшін 10 мл концентратты 500 мл 5 % глюкоза ерітіндісіменараластыру керек.

Демеуші дозаны және қанығу дозасы үшін 0,05 мг/мл концентрациялы ерітіндіге арналған инфузия жылдамдығы 1 кестеде көрсетілген.

1 кесте

Пациенттің дене салмағы, кг	Қанығу дозасы кем дегенде 10 минут жылдамдықпен енгізіледі (мл/сағ)		Демеуші инфузияның жылдамдығы (мл/сағ)
	6 мкг/кг	12 мкг/кг	0,05 мкг/кг/мин	0,1 мкг/кг/мин	0,2 кг/кг/мин
40	29	58	2	5	10
50	36	72	3	6	12
60	43	86	4	7	14
70	50	101	4	8	17
80	58	115	5	10	19
90	65	130	5	11	22
100	72	144	6	12	24
110	79	158	7	13	26
120	86	173	7	14	29

Инфузия үшін 0,025 мг/мл концентрациялыерітінді дайындау үшін 5 мл концентратты 500 мл 5 % глюкоза ерітіндісімен араластыру керек.

Демеуші дозаны және қанығу дозасы үшін 0,025 мг/мл концентрациялы ерітіндіге арналған инфузия жылдамдығы 2 кестеде көрсетілген.

2 кесте

Пациенттің дене салмағы, кг	Қанығу дозасы кем дегенде 10 минут жылдамдықпен енгізіледі (мл/сағ)		Демеуші инфузияның жылдамдығы (мл/сағ)
	6 мкг/кг	12 мкг/кг	0,05 мкг/кг/мин	0,1 мкг/кг/мин	0,2 кг/кг/мин
40	58	115	5	10	19
50	72	144	6	12	24
60	86	173	7	14	29
70	101	202	8	17	34
80	115	230	10	19	38
90	130	259	11	22	43
100	144	288	12	24	48
110	158	317	13	26	53
120	173	346	14	29	58

Жағымсыз әсерлері

Жиі

- гипокалиемия

- ұйқысыздық

- бас айналуы

- жүрек айнуы, құсу, іш қатуы, диарея

- тахикардия, экстрасистолалар, жүрекшелер фибрилляциясы, қарыншалар экстрасистолиясы,жүрек жеткіліксіздігі, миокард ишемиясы

- гемоглобин деңгейінің төмендеуі

Өте жиі

- бас ауыруы

- қарыншалық тахикардия

- артериялық гипотензия

Қолдануға болмайтын жағдайлар

- препараттың кез келген компоненттеріне аса жоғары сезімталдық

- ауыр артериялық гипотензияда және тахикардияда

- бүйрек функциясының ауыр түрде бұзылуында (креатинин клиренсі < 30 мл/мин)

- бауыр функциясының ауыр түрде бұзылуында

- жүрек қарыншаларына қанның толуын және/немесе олардан қанның шығуын қиындататын айтарлықтай механикалық обуструкцияда

- анамнезінде torsades de pointes

Дәрілермен өзара әрекеттесуі

Артериялық гипотензияның даму қаупі жоғары болуына байланысты Симдакс басқа да венаішілік вазоактивті препараттармен бір мезгілде сақтықпен қолданылуы қажет. Симдакс in vitro зерттеу көрсеткендей,әртүрлі CYP – изоформаларға деген төмен аффинділігіне байланысты Р450 (CYP) цитохромы ферменттерімен метаболизденетін басқа дәрілік заттармен өзара әрекеттесуін туындатады.

Белсенді метаболиттің шығарылуы түпкілікті бағаланған жоқ. Мүмкін болған өзара әрекеттесуі жүрек ырғағының анық және ұзартылған әсеріне әкелуі ықтимал. Бұл әсердің ұзақтығы симдакс препаратын инфузиялаудан соң, әдетте, байқалатын 7-9 күннен де ұзаққа созылуы мүмкін.

Симдакс β-адреноблокаторлар және дигоксинді қабылдайтын пациенттерге тиімділігін төмендетпей-ақ енгізуге болады.

Айрықшанұсқаулар

Симдакс мамандандырылған медициналық мекемелерде ғана қолдануға арналған. Егер инотропты дәрілерді қолдану тәжірибесі болса, және пациенттің жағдайын бақылау мен бағалауға қажетті жабдықтары бар ауруханада қолдануға болады.

Симдакс орталық және шеткері веналарға енгізуге арналған. Барлық парентеральді дәрілік заттар сияқты сұйылтылған ерітіндіде қатты заттардың бар-жоғын және түсінің өзгеруін мұқият тексеру керек.

Дайын ерітіндіні 24 сағат бойы 25ºС-ден аспайтын температурада сақтау керек. Микробиологиялық көзқараспен ерітіндіні дайындағаннан кейін тез арада пайдалану керек.

Симдакс препаратының бастапқы гемодинамикалық әсері систолалық және диастолалық қысымды төмендетуі мүмкін, соған орай левосименданды систолалық және диастолалық қысым деңгейі төмен немесе гипотензия көріністерінің пайда болу қаупі бар пациенттерге сақтықпен қолданған жөн. Егер артериялық қысым немесе жүрек ырғағы көрсеткіштерінің шектен тыс өзгерісі байқалса, инфузия жылдамдығын азайту немесе оны тоқтату керек.

Инфузия тоқтатылған соң, кем дегенде 4-5 күн бойы немесе пациенттің клиникалық тұрақтануы басталғанша артериялық қысым деңгейін (жүрек жиырылуының жиілігі), ЭКГ мониторингі, диурезді инвазивті емес бақылау жүргізу ұсынылады. Жеңіл және орташа ауырлық дәрежесіндегі бүйрек және бауыр жеткіліксіздігі бар пациенттерге кем дегенде 5 күн бойы мониторинг жүргізу қажет.

Жеңіл және орташа ауырлық дәрежесіндегі бүйрек және бауыр жеткіліксіздігі бар пациенттерге Симдакс препаратын сақтықпен тағайындаған жөн.

Реперфузиямен байланысты емес созылмалы қарынша тахикардиясы бар, созылмалы емес тахикардиясы бар немесе өмірге қауіпті аритмиясы бар пациенттер препарат енгізілгенге дейін аритмияны емдетуі тиіс.

Коронарлы ишемиясы бар пациенттерге, этиологиясына байланыссыз QT аралығының ұзаруымен,ЭКГ – мониторингін мұқият жүргізе отырып, немесе егер препарат QT аралығын ұзартатын дәрілік заттармен бір мезгілде енгізілетін болса, Симдакс препаратын сақтықпен қолдану қажет.

Симдакс препаратын қолданар алдында аритмияны басу және тұрақты формадағы қарыншалық тахикардиясы, реперфузия немесе өмірге қауіп төндіретін аритмиямен байланысты емес пароксизмальді тахикардиясы бар пациенттердің клиникалық жағдайын тұрақтандыру қажет.

Симдакс препаратын кардиогендік шок кезінде қолдану зерттелмеген.

Симдакс препаратын келесі бұзылуларда қолдану туралы деректер жоқ: рестриктивті кардиомиопатия. гипертрофиялық кардиомиопатия, аур дәрежедегі митральді клапан жеткіліксіздігі, миокард жарылуы, жүрек тампонадасы, оң жақ қарыншан инфаркті.

Келесі жағдайларда препаратты қолдану бойынша шектеулі тәжірибе ғана бар: кардиялық емес себептерге байланысты жедел жүрек жеткіліксіздігі, хирургиялық операциядан соң жүрек жеткіліксіздігінің күрделі нашарлауы және жүрегін ауыстырып салуды күтіп жатқан пациенттердегі ауыр жүрек жеткіліксіздігі. Сондықтан арнайы қаупсіздік шараларын жүргізу керек.

Педиатрияда қолдану

Клиникалық қолдану тәжірибесі балаларда шектеулі

Егде жастағы науқастарға

Дозаны түзету қажет емес.

Бүйрек және бауыр жеткіліксіздігі бар науқастарға қолданылуы

Ауырлығы жеңіл және орташа дәрежедегі бүйрек және бауыр функциялары бұзылған пациенттерге Симдакс препаратын сақтықпен тағайындау керек.

Жүктілік және лактация кезеңі

Препаратты жүкті әйелдерге қолдануға болмайды,аса қажеттілік жағдайлары болғанда ғана (анық көрсетілімдержәне ана мен шаранаға арналған тәуекел/пайда арақатынасын тексерген кезде).

Препарат сүтпен бөлінеді, сондықтан препаратты қолданған кезде аналарға емшек емізуді тоқтату керек

Дәрілік заттың автокөлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Көлік құралдарын басқару және қауіптілігі зор механизмдерді басқару кезінде дәрілік заттың жағымсыз әсерлерін ескеріп сақтық таныту керек.

Артық дозаланғанда

Симптомдары: артериялық гипотензия және тахикардия.

Емі: ЭКГ ұзақ уақыт бақылау, сарысу электролиттерін қайталап анықтау және инвазивті гемодинамикалық мониторинг.

Шығарылу түрі және қаптамасы

5 мл препараттан шыны құтыларға құйылған. 1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

2-ден 8°C-ге дейінгі температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы.

Өндіруші

Орион Корпорейшн

Орионинтие 1, 02200 Эспоо, Финляндия

Тіркеу куәлігінің иесі

Орион Корпорейшн, Финляндия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері

«ВИВА Фарм» ЖШС

2-ші Остроумов к-сі, 33, Алматы қ-сы, ҚР

тел.: +7 (727) 383 74 63, факс: +7 (727) 383 74 56;

e-mail: pv@vivapharm.kz

Қазақстан Республикасы аумағында тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс деректері

«ORION PHARMA EAST (ОРИОН ФАРМА ИСТ)» ЖШС

050000, Алматы қ-сы, Төле би к-сі, 69-үй, 19-кеңсе.

Тел.: 8 (727) 272-61-10, 272-61-11

Факс: 8(727) 272-62-09

Электронды пошта: assel.alshynbayeva@orionpharma.com

Қалалар