Тауарлардың көрінісі фотосуретте көрсетілгеннен өзгеше болуы мүмкін

Трибестан 250 мг № 60 табл п/плён оболоч

10680
Қолжетімділігі
Сатылымда бар
Үлгі
3800010643115
Елі
Болгария
Өндіруші
Софарма АО
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

Трибестан®

Халықаралық патенттелмеген атауы

Жоқ

Дәрілік түрі, дозалануы

Үлбірлі қабықпен қапталған таблеткалар , 250 мг

Фармакотерапиялық тобы

Несеп-жыныс жүйесі және жыныс гормондары. Урологиялық препараттар. Басқа урологиялық препараттар.

АТХ коды G04BX

Қолданылуы

Кешенді емдеуде:

- либидо төмендегенде, белсіздікте, бедеулікте

- дислипопротеинемияда

- әйелдерде климактериялық және кастрациядан кейінгі синдромда

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді затына немесе қосымша заттарының кез келгеніне аса жоғары сезімталдық

- ауыр жүрек-қантамыр аурулары

- бүйрек функциясының ауыр бұзылуы

- қуық асты безінің аденомасы

- жүктілік және емшек емізу кезеңі

- 18 жасқа дейінгі балалар және жасөспірімдер

Қолдану кезінде қажетті сақтық шаралары

Климактериялық синдромы бар әйелдерді емдегенде емдеуден демеуші дозаға ауысу біртіндеп болуы тиіс. Тиімді дозаны күрт төмендеткеннен немесе тоқтатқаннан кейін климактериялық симптомдардың екінші қайтара көрінісі болуы мүмкін.

Басқа дәрілік препараттармен өзара әрекеттесуі

Трибестан® овуляцияны көтермелейтін дәрілік препараттармен бір мезгілде қолданғанда олардың әсері өзара күшеюіне әкеледі.

Трибестан® қолдану диуретиктердің әсерін күшейтуі жәнегипертензияға қарсы препараттардың гипотензивтік әсерін үдетуі мүмкін.

Арнайы ескертулер

Жүктілік немесе лактация кезінде

Жануарларға жүргізілген тәжірибелік зерттеу эмбриоуыттылық және тератогендік әсерлерін көрсетпеген. Адамдардағы ықтимал қаупі белгісіз. Жүкті әйелдерге клиникалық зерттеулер жүргізілмеген, сондықтан Трибестан® жүктілік және емшек емізу кезеңінде қолданылмайды.

Жүктілік анықталғанда препарат қабылдауды тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Трибестан® көлік құралдарын жүргізу және машиналармен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Ересектерге мынадай дозалар ұсынылады:

Либидо төмендегенде, белсіздікте және бедеулікте:

Еркектерде либидо төмендегенде, белсіздікте және бедеулікте дозасы 1-2 таблеткадан күніне 3 рет. Емдеу ұзақтығы – 90 күннен кем болмау керек. Емдеу курсын қанағаттанарлық емдік әсер алғанға дейін қайталауға болады.

Әйелдер бедеулігінде дозалануы етеккір циклінің 1-шіден 12-ші күніне дейін 1-2 таблеткадан күніне 3 рет. Осы курсты жүкті болғанға дейін мезгіл-мезгіл қайталауға болады.

Дислипопротеинемияда:

2 таблеткадан күніне 3 рет. Емдеу ұзақтығы - 3 айдан кем болмау керек.

Әйелдерде климактериялық және кастрациядан кейінгі синдромда:

1-2 таблеткадан күніне 3 рет, 60-90 күн бойы. Жағдай жақсарғаннан кейін біртіндеп демеуші дозаға ауысу керек – күніне 2 таблеткадан 1-2 жыл бойы.

Енгізу жолы және тәсілі

Таблеткаларды тамақтан соң, ішке қабылдайды.

Қабылдау уақыты көрсетілген қолдану жиілігі

Дозалау режимін қараңыз

Емдеу ұзақтығы

Артық дозалану жағдайында қабылдануы қажет шаралар

Қазіргі сәтке дейін Трибестан® препаратымен артық дозалану жағдайлары байқалмаған. Өнімнің көп мөлшерін қабылдағанда белсендірілген көмір қолданылады, асқазанды шаяды және симптоматикалық ем тағайындалады.

Дәрілік препараттың бір немесе бірнеше дозасын жіберіп алғанда қажетті шаралар

Жіберіп алған дозаның орнын толтыру үшін қосарлы дозаны қабылдамаңыз.

Қолдануды нұсқаулыққа немесе дәрігердің тағайындауына сәйкес жалғастырыңыз.

Егер сізде осы дәрілік препаратты қолдануға байланысты кез келген қосымша сұрақтар болса, өзіңіздің дәрігеріңізге немесе фармацевтке жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиілігі белгісіз (қолда бар деректер негізінде бағалау жасау мүмкін емес):

- препарат компоненттеріне аса жоғары сезімталдық.

- асқазанның шырышты қабығына тітіркендіретін әсері.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Құрамы

Үлбірлі қабықпен қапталған бір таблетканың құрамында

белсенді зат – жатаған теміртікен шөбінің құрғақ экстрактісі (Tribulus terrestris herba extractum siccum (35-45:1)) 250 мг,

қосымша заттар: микрокристалды целлюлоза (101 тип), сусыз коллоидтыкремнийдің қостотығы, повидон К25, кросповидон, тальк, магний стеараты.

Үлбірлі қабықтың құрамы: Опадрай AMB қоңыр 80W26601 - ішінара гидролизденген поливинил спирті, тальк, титанның қостотығы (Е171), соялық лецитин (Е322), ксантан шайыры (Е415), темірдің (III) сары тотығы (Е172), темірдің (III) қызыл тотығы (Е172), темірдің (III) қара тотығы (Е172).

Сыртқы түрінің, иісінің, дәмінің сипаттамасы

Дөңгелек пішінді, өзіне тән иісі бар, диаметрі 13 мм, қоңыр түсті үлбірлі қабықпен қапталған таблеткалар.

Шығарылу түрі және қаптамасы

Үлбірлі қабықпен қапталған 10 таблеткадан мөлдір поливинилхлоридті үлбірден және алюминий фольгадан жасалған пішінді ұяшықты қаптамаға салынады.

6 пішінді қаптамадан қолданылуы жөніндегі қазақ және орыс тіліндегі нұсқаулықпен бірге картон қорапшаға салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

Ылғалдан қорғау үшін түпнұсқалық қаптамасында, 25оС-ден аспайтын температурада сақтау керек.

Балалардың қолы жетпейтін жерде сақтау керек.

Дәріханалардан босатылу шарттары

Рецептісіз

Өндіруші туралы мәлімет

Софарма АҚ, Болгария

Илиенский тас жолы к-сі 16

1220 София, Болгария

Тел: (359 2) 813 4200

факс: (359 2) 974 3759

E-mail: mail@sopharma.bg

Тіркеу куәлігінің ұстаушысы

Софарма АҚ, Болгария

Илиенский тас жолы к-сі 16

1220 София, Болгария

Тел: (359 2) 813 4200

факс: (359 2) 974 3759

E-mail: mail@sopharma.bg

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Софарма Қазақстан» жауапкершілігі шектеулі серіктестік

Алматы қ., Қазақстан, 050036, «Мамыр 4» ы/а, 190 үй.

Телефон нөмірі: 7 (727) 380 01 03, 380 01 37, 380 01 42 (ішкі 108)

Факс нөмірі: 7 (7273) 81 63 86

Электрондық пошта: info@sopharma.kz

Дәріханалар

Тауар артығымен бар
Тауар аз қалды
Аптека №141
ул.Абая 117
Круглосуточно