Випросал В для наружного применения 75 г мазь

Сипаттама

Саудалық атауы

Випросал В^®

Халықаралық патенттелмеген атауы

Жоқ

Дәрілік түрі

Сыртқа қолдануға арналған жақпамай, 30 г, 50 г, 75 г

Фармакотерапиялық тобы

Сүйек-бұлшықет жүйесі. Буын және бұлшықет ауыруында жергілікті қолдануға арналған препараттар. Буын және бұлшықет ауыруы кезінде жергілікті қолдануға арналған басқа препараттар.

АТХ коды M02AX

Қолданылуы

Дәрілік препарат ересектерде және 15 жастан асқан балаларда қолданылады

- артралгияда

- невралгияда

- миалгияда

- ишиаста

- радикулитте.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• Белсенді заттарға немесе препараттың қандай да бір қосымша затына жоғары сезімталдығы.
• Ойық жаралар мен терінің басқа да аурулары.
• Өкпенің жедел туберкулезі.
• Ми мен коронарлық қан айналымының бұзылуы.
• Ангиоспазм туындауына бейімділік.
• Бүйрек пен бауыр функциясының ауыр бұзылулары.
• 15 жасқа дейінгі балалар.

Қолданған кездегі қажетті сақтандыру шаралары

Жақпамайды зақымданған теріге жағуға болмайды. Қатты тітіркенуді болғызбау үшін жақпамайдың көзге немесе шырышты қабықтарға тимеуін қадағалау қажет.

Жақпамай құрамында қосымша заттар ретінде цетостеарилді спирт бар, ол тері реакцияларын (мысалы, жанаспалы дерматит) туындатуы мүмкін.

Аллергиялық реакциялар туындағанда емдеуді тоқтату және теріден жақпамайды жуып тастау керек. Аллергиялық реакциялардың симптомдары емдеуді тоқтатқаннан кейін жоғалады.

Басқа дәрілік препараттармен өзара әрекеттесуі

Өзара әрекеттесулер зерттелмеген.

Арнайы ескертулер

Педиатрияда қолдану

15 жасқа дейінгі балаларда қолдануға болмайды.

Жүктілік немесе лактация кезінде

Жүкті әйелдерде дәрілік затты қолдану туралы жеткілікті деректер жоқ. Қауіпсіздігі туралы тиісті деректердің болмауына байланысты дәрілік препаратты жүктілік және бала емізу кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Жақпамай сыртқа қолданылады. Тері бетінің көлеміне қарай ауыратын аймаққа кішкене аз мөлшерден 5-10 г (1-2 шай қасық) жақпамайды ауыру қарқынына қарай тәулігіне 1-2 реттен ауыру синдромы жойылғанға дейін жағады.

Егер жағдайы жақсармаса немесе Випросал В^® жақпамайын қолданғаннан кейін нашарласа, дәрігерге қаралу керек.

Енгізу әдісі мен жолы

Сыртқа қолдануға арналған.

Емдеу ұзақтығы

Емдеу ұзақтығы аурудың сипаты мен ауырлығына байланысты.

Артық дозаланған жағдайда қабылдануы тиіс шаралар

Артық дозалану жағдайлары жөнінде хабарланбаған.

Жақпамай шырышты қабықтарға тиген жағдайда қатты тітіркендіреді.

Жақпамайды кездейсоқ жұтып қойғанда дәрігерге жүгіну керек. Препараттың қаптамасын өзіңізбен бірге алып жүру ұсынылады.

Симптомдары: құсу және диарея. Жақпамады көп мөлшерде кездейсоқ жұтып қойғанда жүрек айну, құсу, іштің ауыруы және бас ауыруы, бас айналу, жылу/ыстықты сезіну, құрысулар, респираторлық депрессия және кома сияқты жедел улану симптомдары білінуі мүмкін.

Емі: симптоматикалық. Құстыртуға болмайды.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Дәрілік препаратты қолдану бойынша сұрақтар болған жағдайда емдеуші дәрігермен, фармацевтика қызметкерімен немесе медбикемен кеңесіңіз.

Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Аллергиялық реакциялар

Жақпамай компоненттеріне терінің жоғары сезімталдығы кезінде қышыну, ісіну немесе есекжем пайда болуы мүмкін. Мұндай жағдайда емдеуді тоқтату және теріден жақпамайды жуып тастау ұсынылады. Аталған белгілер емдеуді тоқтатқаннан кейін қайтады.

Жағымсыз әсерлерін болдырмас үшін жақпамайдың азғана мөлшерін препарат сезімталдығын анықтау мақсатында алдын ала теріге жағып көру ұсынылады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 г жақпамайдың құрамында:

белсенді заттар: 0,05 ТӘБ кәдімгі сұр жыланның құрғақ уы, 30 мг рацемиялық камфора, 30 мг шайырлы скипидары, 10 мг салицил қышқылы;

қосымша заттар: вазелин,цетостеарил спирті, қатты парафин, натрий цетилстеарилсульфаты, глицерол, натрий хлориді, тазартылған су.

Сыртқы түрінің, иісінің, дәмінің сипаттамасы

Камфора мен скипидардың иісі бар ақ немесе аздап сарғыш реңді ақ түсті жақпамай.

Шығарылу түрі және қаптамасы

30 г, 50 г немесе 75 г препарат мойнында қорғаныш алюминий жарғақшасы және пластмассадан жасалған бұралатын бушонда жарғақшаны тесуге арналған конус сияқты тетігі бар, ішкі беті лакпен жабылған алюминий сықпаға салынады.

Сықпа медициналық қолдану жөніндегі қазақ және орыс тіліндегі нұсқаулықпен бірге қораптық картоннан жасалған қорапшаға салынады.

Алғашқы ашуды бақылау үшін бумаға стикер салынуы мүмкін.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Таллинн фармацевтикалық зауыты АҚ.

Тонди 33, 11316 Таллинн, Эстония

Тел.: +372 612 0201

Электронды пошта: farma@tft.ee

Тіркеу куәлігінің ұстаушысы

«Гриндекс» АҚ.

Крустпилс көш., 53, Рига, LV-1057, Латвия

Телефон: +371 67083205

Факс: + 371 67083505

Электронды пошта: grindeks@grindeks.lv

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Гриндекс» АҚ өкілдігі

ҚР, 050010, Алматы қаласы, Медеу ауданы, Достық даңғылы, 34/1 үй, 1 п.

Телефон нөмірі: +7 (727) 291-88-77

Электрондый пошта: office@grindeks.kz

Қалалар